Ngɛlɛlera ne ka kɛ yɛbu Kilisiene mgbanyima kɛ yɛ mame mɔ nee yɛ papa mɔ na yɛbu ngakula kɛ yɛ mediema la. (Kenga 1 Timote 5:1, 2.) Ɔwɔ kɛ mediema mrenyia titili kile enililɛ nee ɛbulɛ maa mraalɛ.

Ɔnle kɛ adiema nrenyia bie nea adiema raalɛ wɔ adenle ɛtane zo anzɛɛ ɔ nee ye di anyezo. (Dwb 31:1) Ɔnle kɛ adiema nrenyia bie fa adiema raalɛ bie nganeɛdelɛ di nwɔhoa maa ɔte nganeɛ kɛ asɛɛ ɔ nye die ɔ nwo wɔ mekɛ mɔɔ ɔnle zɔ la.

Ɔwɔ kɛ asafo nu mgbanyima fi ɛlɔlɛ nu suzu mediema mraalɛ mɔɔ bɛfi ɛbulɛ nu bɛbiza bɛ kpuya anzɛɛ twe bɛ adwenle kɔ ninyɛne bie mɔ mɔɔ ɔhyia kɛ bɛdi nwolɛ gyima la azo la anwo. Ɔwɔ kɛ bɛmaa mraalɛ mɔɔ bɛnlɛ bɛ hu mɔ na bɛabɔ bɛ nwo bane la anwo kyia bɛ kpalɛ.​—Wut 2:8, 9.

NEA KƆ ZO DA ƐLƆLƐ ALI WƆ ASAFO NE ANU​—KILE BƐDABƐ MƆƆ BƐLE AHUNLANVOLƐ NEE NRISA LA VIDIO NE NA BUA KPUYA ƐHYE MƆ:

• Kɛzi asafo ne anu amra lale ɛlɔlɛ kpundii ali hilele adiema raalɛ Myint ɛ?

• Kɛzi ɛlɔlɛ mɔɔ asafo ne lale ye ali la yɛle daselɛlilɛ maanle namule ne azo amra ɛ?

• Kɛzi ɛlɔlɛ mɔɔ asafo ne lale ye ali la hanle adiema raalɛ Myint amra mraalɛ ne mɔ ɛ?

Ndenle fɔɔnwo boni mɔ azo a ɛbahola wɔalua wɔala ɛlɔlɛ ali wɔahile mediema mraalɛ mɔɔ bɛwɔ wɔ asafo ne anu la ɛ?