Wɔ September, yɛbayɛ biala mɔɔ yɛbahola la yɛamaa menli anwu ye kɛ Nyamenle Belemgbunlililɛ ne ala a bahola ali alesama ngyegyelɛ nwo gyima a. (Mt 24:14) Kɛzi ɛbayɛ ye ɛ? Kenga ngɛlɛlera mɔɔ ɔfale Nyamenle Belemgbunlililɛ ne anwo la kile menli dɔɔnwo wɔ siane ne anu. Saa awie kile nwolɛ anyelielɛ a, fa maanlema Ɛzinzalɛ Arane No. 2 2020 ne ko maa ye. Akee yɛ ye ndɛ sia kɔkpɔla ahenle na bɔ mɔdenle kɛ ɛbava Nyia Anyelielɛ Dahuu! brohyua ne ɛ nee ye abɔ Baebolo ɛzukoalɛ bo. Bɛdabɛ mɔɔ bɛbayɛ adekpakyelɛ boavolɛ wɔ September siane ne anu la bahola ava dɔnehwele 15 anzɛɛ 30 ayɛ daselɛlilɛ gyima ne.

Ɔnrɛhyɛ Nyamenle Belemgbunlililɛ ne bazɛkye arelemgbunlililɛ kɔsɔɔti mɔɔ dwazo tia ye la. (Da 2:44; 1Kɔ 15:24, 25) Bɛmaa yɛyɛ biala mɔɔ yɛbahola la wɔ mekɛ titili ɛhye anu na yɛhile kɛ yɛgyi Gyihova nee ye Belemgbunlililɛ ne anzi!