Maangyebakyi zo neavolɛma nee bɛ ye mɔ tu bɛ nwo maa menli mɔɔ bɛsonle bɛ la. Bɛlɛ bɛ ngyianlɛ, ɔdwu mekɛ ne bie a bɛte ɛvɛlɛ nganeɛ, bɛ sa nu to yɛɛ adwenleadwenle tɔ bɛ nwo kɛ yɛdayɛ ala la. (Gye 5:17) Noko akee dapɛne biala bɛfa bɛ adwenle bɛsie mediema mɔɔ bɛkɔkpɔla bɛ wɔ asafo ne anu la anwo zo na bɛmaa bɛ anwosesebɛ. Nɔhalɛ nu maangyebakyi zo neavolɛma fɛta ɛbulɛ “kpole kpalɛ.”​—1Ti 5:17.

Mɔɔ ɛzoanvolɛ Pɔɔlo yɛle ngyehyɛleɛ kɛ ɔkɔ Wulomu yeahɔkpɔla mediema mɔɔ bɛwɔ ɛkɛ ne na ‘yeaboa bɛ wɔ sunsum nu’ la, ɛnee ɔ nye la kɛ ‘bɛ diedi bɛamaa ye anwosesebɛ na ɔdaye noko ye ɛdeɛ amaa bɛ anwosesebɛ.’ (Wlo 1:11, 12) Asoo wɔdwenle adenle mɔɔ ɛbahola wɔalua zo wɔamaa wɔ maangyebakyi zo neavolɛ nee ɔ ye saa yegya a, anwosesebɛ la anwo ɔ?

NEA MAANGYEBAKYI ZO NEAVOLƐMA MƆƆ KƆ NAMUNAMU ZO LA ƐBƐLABƆLƐ VIDIO NE NA BUA KPUYA ƐHYE MƆ:

• Ndenle boni mɔ azo a maangyebakyi zo neavolɛma nee bɛ ye mɔ dua tu bɛ nwo maa boa asafo ne ɛ?

  Your answer

• Kɛzi ɛdawɔ mumua ne wɔnyia bɛ gyima ɛsesebɛ ne azo nvasoɛ ɛ?

  Your answer

• Kɛzi yɛbahola yɛamaa bɛ anwosesebɛ ɛ?

  Your answer