Devidi a hɛlɛle Edwɛndolɛ 51 wɔ mekɛ mɔɔ ngapezonli Neetan hwenle ye adwenle ziele ɛtane kpole mɔɔ ɔ nee Batehyɛba yɛle la azo la. Devidi adwenle buale ye fɔlɛ, na ɔbɛlɛle ɔ nwo aze ɔhanle ye ɛtane ne.—2Sa 12:1-14.

51:3, 4, 8-12, 17

• Kolaa na yeanlu ɔ nwo na yeaha ye ɛtane ne la, ye adwenle buale ye fɔlɛ

• Ɔlile nyane kɛ Nyamenle ɛnlie ye ɛndo nu la yemɔti ɔyɛle kɛ awie mɔɔ ye mbowule ɛbubu la

• Ɛnee ɔkpondɛ ɛtanefakyɛ, sunsum nu anwosesebɛ nee anyelielɛ ne mɔɔ ɔlɛ ye dɛba ne la

• Ɔzɛlɛle Gyihova kɛ ɔboa ye ɔmaa ɔnyia ɛhulolɛ kɛ ɔbadie ye

• Ɛnee ɔlɛ anwodozo kɛ Gyihova bava ye ɛtane ahyɛ ye