Ɔwɔ kɛ bɛdabɛ mɔɔ bɛkulo kɛ bɛyɛ Nyamenle Belemgbunlililɛ ne maanlema la sukoa Belemgbunlililɛ ne anwo debie biala nee mɔɔ yeyɛ la. Kɛmɔti ɛ? Ɛhye bamia bɛ diedi nu kɛ Nyamenle Belemgbunlililɛ ne ɛlɛdi tumi na eza ɔbaha bɛ ahonle yeamaa bɛabɔ Nyamenle Belemgbunlililɛ ne anwo edwɛkpa ne nolo bɛahile awie mɔ. (Ed 45:1; 49:3) Mekɛ mɔɔ ɛlɛnea vidio mɔɔ se Belemgbunlililɛ Ne—Ɛvolɛ 100 Nee Ɔ Nzi la, nea kɛ ɛbahola wɔabua kpuya ɛhye mɔ:

1. Nzɔne ati a “Photo-Drama of Creation” ne le nyilalɛ maa bɛdabɛ mɔɔ bɛnleanle bie la ɛ?

2. Kɛzi bɛluale riledio zo bɛbɔle edwɛkpa ne nolo ɛ?

3. Ndenle gyɛne boni a bɛluale zo bɛbɔle edwɛkpa ne nolo a, na boni a vile nu rale a?

4. Kɛzi daselɛlilɛ nwo ndetelɛ mɔɔ bɛfa bɛmaa la ɛnyia anyuhɔlɛ wɔ ɛvolɛ dɔɔnwo mɔɔ ɛze la anu ɛ?

5. Ndetelɛ kpalɛ boni a bɛvale bɛmaanle Geleade Sukulu sukoavoma ne mɔ a?

6. Adenle boni azo a bɛlua nyianu ne mɔ azo bɛtete Gyihova menli ɛ?

7. Duzu a maa ɛdie ɛdi kɛ Nyamenle Belemgbunlililɛ ne ɛlɛdi tumi a?

8. Nzɔne a yɛyɛ yɛkile kɛ yɛlɛboa Nyamenle Belemgbunlililɛ ne a?