YƐ KILISIENE ƐBƐLABƆLƐ
Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu
DEƐMƆTI ƆHYIA LA:
Vidio kola ka menli ahonle ɔlua ninyɛne ngɛnlɛma mɔɔ bɛnwu ye nee edwɛkɛ mɔɔ bɛte la ati. Ɛhye maa bɛtie ye kpalɛ na ɔka bɛ adwenle nu. Gyihova ɛyɛ neazo kpalɛ wɔ nvoninli mɔɔ bɛdua zo bɛkilehile la anwo.
Ɛbanwu vidio ɛhye mɔ mɔɔ se Asoo Nyamenle Lɛ Duma?, Nwane A Le Baebolo Ne Kɛlɛvolɛ A? yɛɛ Kɛ Ɔkɛyɛ Na Yɛanwu Kɛ Baebolo Ne Le Nɔhalɛ Ɛ? la anwo edwɛkɛ ekyi wɔ Edwɛkpa brohyua ne ɛzukoalɛdeɛ 2 nee 3 ne anu. Vidio ne mɔ mɔɔ se Duzu Ati A Ɔwɔ Kɛ Ɛsukoa Baebolo Ne A?, Kɛzi Bɛyɛ Baebolo Ɛzukoalɛ Ɛ? nee Duzu A Bɛyɛ Ye Wɔ Belemgbunlililɛ Asalo Ɛkɛ A? maa awie mɔ anwosesebɛ maa yɛ nee bɛ sukoa Baebolo ne anzɛɛ bɛkɔ asafo nyianu. Eza yɛbahola yɛava yɛ vidio ne mɔ mɔɔ wale la yɛahilehile wɔ Baebolo ɛzukoalɛ bo.
KƐZI BƐYƐ YE LA:
-
Dimoa twe vidio mɔɔ ɛkulo kɛ ɛye ɛkile suamenle ne la
-
Siezie kpuya ko anzɛɛ nwiɔ mɔɔ vidio ne babua la
-
Bɛbɔ nu bɛnlea vidio ne
-
Bɛzuzu edwɛkɛ titili ne anwo
SƆ ƐHYE NEA:
-
Buke kɔ yɛ trate ne ko anzi, na twe adwenle kɔ sɛkɛlɛneɛ ne mɔɔ fa wɔ kɔ vidio ne mɔɔ se Duzu Ati A Ɔwɔ Kɛ Ɛsukoa Baebolo Ne A? la azo
-
Ye vidio ne mɔɔ se Kɛ Ɔkɛyɛ Na Yɛanwu Kɛ Baebolo Ne Le Nɔhalɛ Ɛ? na fa Edwɛkpa brohyua ne maa na twe adwenle sie ɛzukoalɛdeɛ 3 ne azo
