Nwane Mɔ A Ɛlɛyɛ Gyihova Ɛhulolɛdeɛ Ɛnɛ A? Bɛyɛ ye kɛ yɛ nee yɛ Baebolo sukoavoma ɛzuzu nwo wɔ debiezukoalɛ ko biala mɔlebɛbo anzɛɛ mekɛ mɔɔ yɛzukoa debie yɛwie la. * Ɛzukoalɛdeɛ 1 mɔɔ kɔ 4 la maa sukoavoma ne nwu yɛ kpalɛ, ɛzukoalɛdeɛ 5 mɔɔ kɔ 14 la boa bɛ ɔmaa bɛsukoa yɛ gyima ne anwo debie yɛɛ ɛzukoalɛdeɛ 15 mɔɔ kɔ 28 la maa bɛnwu mɔɔ yɛ ahyehyɛdeɛ ne ɛlɛyɛ la. Ɔle kpalɛ kɛ yɛbazuzu ɛzukoalɛdeɛ ne mɔ anwo nidizo kyesɛ ɔka debie mɔɔ ahenle anye die nwo la anwo edwɛkɛ. Ɛzukoalɛdeɛ biala le mukelɛ ko ala na bɛkola bɛfa mitini nnu kɔdwu bulu bɛ nee sukoavoma dɔɔnwo ne ala suzu nwo.

• Twe adwenle kɔ kpuya ne mɔɔ le ɛzukoalɛdeɛ ne edwɛkɛtile ne la azo

• Bɛbɔ nu bɛgenga, bɛbahola bɛagenga ɔ muala anzɛɛ ye ekpunli ekpunli

• Bɛzuzu mɔɔ bɛgenga la anwo. Fa kpuya mɔɔ wɔ mukelɛ ne abo nee nvoninli mɔɔ wɔ nu la di gyima. Kenga ngɛlɛlera bie mɔɔ ɛnea a ɔfɛta la na bɛzuzu nwolɛ. Si tile ngyikyi ne mɔ mɔɔ bɛyɛ bɛ bile mɔɔ bua edwɛkɛtile ne kpuya ne la azo

• Saa “Kpondɛ Dɔɔnwo” ɛlɛka wɔ nu a, bɛgenga na maa sukoavo ne anwosesebɛ kɛ ɔva nzuzulɛ ne ɔyɛ gyima