12:10, 17-21

Kilisiene ɛlɔlɛ kile kɛ saa awie yɛ yɛ ɛtane a, tɛ kɛ yɛnrɛyɛ bie yɛnrɛdua ye kakɛ ala, emomu yɛbayɛ debie kpalɛ yɛamaa ye. “Saa ɛhɔne ɛlɛku wɔ kpɔvolɛ a, maa ye aleɛ ɔli; saa nzuhɔne ɛlɛku ye a, maa ye debie ɔnlo; ɔluakɛ ɛyɛ ɛhye a ɛbahuohua samɛnlakɛ ɔ ti zo.” (Wulomuma 12:20) Kpalɛyɛlɛ mɔɔ yɛda ye ali yɛkile awie mɔɔ yɛ yɛ ɛtane la kola ka ahenle ɔmaa ɔnu ɔ nwo.

Kɛzi ɛdele nganeɛ wɔ mekɛ mɔɔ tɛ ɛ nye fuu ɛvonle awie na ahenle lale atiakunlukɛnlɛma ali hilele wɔ la ɛ?