Ɛvolɛ biala yɛbɔ mɔdenle yɛto ɛsalɛ yɛfɛlɛ menli mɔɔ wɔ yɛ azɛlɛsinli ne anu la yɛmaa bɛba Ngakyelɛlilɛ ne abo. Yɛnze bɛ nuhua dɔɔnwo. Noko eza ɔwɔ kɛ yɛto ɛsalɛ yɛfɛlɛ menli mɔɔ yɛze bɛ la. Ɔnyɛ se kɛ menli mɔɔ yɛze bɛ mɔɔ yɛbado yɛ sa yɛavɛlɛ bɛ la bara. (yb08-E 11 ¶3; 14 ¶1) Nwane mɔ a ɛbahola wɔado ɛsalɛ wɔavɛlɛ bɛ a?

• Wɔ mbusuafoɔ

• Ɛ gɔnwo mɔ gyimayɛvoma anzɛɛ sukuluma

• Wɔ kpalɛzoamra

• Wɔ sia kɔkpɔla ngakyile yɛɛ wɔ Baebolo sukoavoma fofolɛ nee dɛba amuala

Bieko, mgbanyima ne mɔ bado ɛsalɛ avɛlɛ menli mɔɔ ɛgyakyi daselɛlilɛ nee debiezukoalɛ ɛhɔlɛ la. Na saa ɛze awie mɔɔ ɔnde wɔ kpalɛ ne azo noko ɛ? Ɛbahola wɔanwu mekɛ yɛɛ ɛleka mɔɔ bɛbayɛ Ngakyelɛlilɛ ne wɔ ɛleka mɔɔ ɔde la ɔlua YƐ NWO EDWƐKƐ mɔɔ wɔ jw.org/nzi anwuma ɛkɛ ne mɔɔ ɛbatinli zo na wɔakpa “Ngakyelɛlilɛ” la azo. Mekɛ mɔɔ ɛlɛsiezie ɛ nwo wɔamaa ɛvolɛ ɛhye ngakyelɛlilɛ ne la, dwenle menli mɔɔ ɛbahola wɔado ɛsalɛ wɔavɛlɛ bɛ la anwo na fɛlɛ bɛ.