YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Boa Baebolo Sukoavoma Maa Bɛva Gyihova Agɔnwolɛ
Gyihova kulo kɛ yɛgyinla ɛlɔlɛ mɔɔ yɛlɛ yɛmaa ye la azo yɛsonle ye. (Mt 22:37, 38) Nyamenle anwo ɛlɔlɛ a ka Baebolo sukoavoma ɔmaa bɛyɛ nzenzaleɛ ngakyile na bɛgyinla kpundii wɔ sɔnea nu a. (1Dw 5:3) Ɛlɔlɛ ko ne ala a ka bɛ ɔmaa bɛsɔne a.
Boa wɔ Baebolo sukoavoma maa bɛnwu kɛ Nyamenle kulo bɛ. Biza bɛ kpuya le kɛ: “Duzu a ɛhye kilehile wɔ wɔ Gyihova anwo a?” anzɛɛ “Kɛzi ɛhye maa ɛnwu kɛ Nyamenle kulo wɔ ɛ?” Boa bɛ maa bɛnwu daselɛ mɔɔ kile kɛ Gyihova ɛlɛboa bɛ la. (2Ek 16:9) Ka wɔ asɔneyɛlɛ fɔɔnwo bie mɔɔ Gyihova buale la anwo edwɛkɛ kile bɛ na maa bɛ anwosesebɛ maa bɛyɛ kɛzi Gyihova bua bɛ asɔneyɛlɛ la nzonlɛ. Saa yɛnwu kɛ yɛ Baebolo sukoavoma ze ye kɛ Gyihova kulo bɛ na bɛdabɛ noko bɛda ye ali kɛ bɛkulo ye na bɛkulo kɛ bɛyɛ ɔ gɔnwo mɔ a ɔmaa yɛ nye die kpalɛ.
NEA BOA WƆ BAEBOLO SUKOAVOMA MAA BƐVA GYIHOVA AGƆNWOLƐ VIDIO NE NA BUA KPUYA ƐHYE MƆ:
-
Ngyegyelɛ boni a Rose yiale a?
-
Kɛzi Manzakyi boale Rose ɛ?
-
Kɛzi Rose holale lile ngyegyelɛ ne anwo gyima ɛ?
