YƐ KILISIENE ƐBƐLABƆLƐ
Kɛzi Yɛbava Baebolo Ɛzukoalɛ Nwo Vidio Ngakyile Ne Mɔ Yɛali Gyima La
Yɛlɛ Baebolo ɛzukoalɛ nwo vidio nna mɔɔ yɛfa yɛyɛ gyima wɔ daselɛlilɛ nu a. Ko biala bodane a le duzu?
-
Duzu Ati A Ɔwɔ Kɛ Ɛsukoa Baebolo Ne A?—Tendenle Ne. Bɛyɛle kɛ bɛfa bɛaboa menli bɛamaa bɛ nye alie Baebolo ne anwo ɔnva nwo ɛzonlenlɛ anzɛɛ diedi mɔɔ bɛlɛ la. Ɔboa bɛ ɔmaa bɛkpondɛ ɛbɛlabɔlɛ nu kpuya titili ne mɔ anwo mualɛ wɔ Baebolo ne anu kɛ mɔɔ bɛhile ye wɔ vidio ne anu la. Eza ɔkile kɛzi ɛbabiza Baebolo ɛzukoalɛ nwo adenle la.
-
Duzu Ati A Ɔwɔ Kɛ Ɛsukoa Baebolo Ne A?—(ezinra ne). Nuhua edwɛkɛ ne le kɛ tendenle ne ala, noko akee yemɔ le ezinra. Ɔboa wɔ azɛlɛsinli mɔɔ menli ɛnlɛ alagye la anu.
-
Kɛzi Bɛyɛ Baebolo Ɛzukoalɛ Ɛ? Ɔboa menli ɔmaa bɛnyia yɛ Baebolo ɛzukoalɛ mɔɔ bɛnlie ɛhwee la anwo anyelielɛ, yɛɛ ɔbua Baebolo ɛzukoalɛ nwo kpuya ngakyile le kɛ kɛzi bɛbabiza Baebolo ɛzukoalɛ nwo adenle la.
-
Akoaba Ba Wɔ Baebolo Ɛzukoalɛ Ne Abo. Bɛye bɛkile menli mɔɔ bɛlie bɛdo nu kɛ bɛbazukoa Baebolo ne la. Ɔwɔ nu kɛ bɛha vidio ɛhye anwo edwɛkɛ wɔ Nyia Anyelielɛ Dahuu! buluku ne mukelɛ nwiɔ ne ɛdeɛ, noko ɛbahola wɔaye wɔ mekɛ mɔɔ ɛ nee awie ɛlɛsukoa Nyia Anyelielɛ Dahuu! brohyua ne la. Ɔka ninyɛne titili mɔɔ wɔ buluku ne anu la nee mɔɔ ɔwɔ kɛ sukoavo ne anye da ye ade la anwo edwɛkɛ.
Vidio ko biala lɛ ye bodane ɛdeɛ, noko yɛbahola yɛaye yɛahile menli anzɛɛ yɛava yɛanwa bɛ wɔ mekɛ biala mɔɔ fɛta la anu. Ɔwɔ kɛ nolobɔlɛma nwu nuhua edwɛkɛ ne kpalɛ amaa bɛahola bɛava bɛali gyima kpalɛ.
