April 29–May 5
EDWƐNE 34-35
Edwɛne 10 Nee Asɔneyɛlɛ | Mukenye Edwɛkɛ (Mit. 1)
1. ‘Ye Gyihova Ayɛlɛ Dahuu’
(Mit. 10)
Mɔɔ Devidi ɛlɛyia ngyegyelɛ bɔbɔ la ɔyele Gyihova ayɛlɛ (Ed 34:1; mwbr24.03 11 ¶3)
Devidi vale Gyihova dule ɔ nwo (Ed 34:2-4; mwbr24.03 12 ¶1)
Devidi ayɛlɛyelɛ edwɛkɛ ne maanle ɔ gɔnwo mɔ anwosesebɛ (Ed 34:5; mwbr24.03 12 ¶2)
Mɔɔ Devidi nyianle ɔ ti wɔ Abemɛlɛke asa anu la, mrenyia 400 mɔɔ ɛva Sɔɔlo anwo ɛya la rabokale ɔ nwo wɔ fienemgbole ne anu. (1Sa 22:1, 2) Ɔbayɛ kɛ ɛnee menli ɛhye mɔ anwo adwenle wɔ Devidi adwenle nu wɔ mekɛ mɔɔ ɔkɛlɛ edwɛne ɛhye la.—Ed 34, ɔtidwɛkɛ.
BIZA Ɛ NWO KƐ, ‘Kɛ ɔkɛyɛ na meaye Gyihova ayɛlɛ wɔ mekɛ mɔɔ me ne awie ɛlɛdi adwelie wɔ debiezukoalɛ bo la ɛ?’
2. Kpondɛ Baebolo Nu Ndelebɛbo
(Mit. 10)
-
Ed 35:19—Mɔɔ Devidi zɛlɛle Gyihova kɛ ɔmmamaa bɛdabɛ mɔɔ bɛkpɔ ye la “bɔ bɛ nye kile” ye la, ɛnee duzu a ɔlɛkile a? (mwbr24.03 12 ¶3)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 34:1-22 (th ɛzukoalɛdeɛ 5)
4. Bɔ Adawubɔlɛ Bo
(Mit. 2) MEKƐ MƆƆ ƐNLE DASELƐLILƐ NU. Adawubɔlɛ ne rale awieleɛ ɔti wɔangola daselɛ di. (lmd ɛzukoalɛdeɛ 1 nɔma 4)
5. Sia Kɔkpɔla
(Mit. 4) MEKƐ MƆƆ ƐNLE DASELƐLILƐ NU. (lmd ɛzukoalɛdeɛ 2 nɔma 4)
6. Kilehile Wɔ Diedi Nu
(Mit. 5) Yɛkile. ijwfq 59—Edwɛkɛtile: Duzu A Maa Gyihova Alasevolɛ Nwu Ye Kɛ Ɛvoyialilɛ Bie Ɛnle Kpalɛ Ɛ? (th ɛzukoalɛdeɛ 17)
Edwɛne 59
7. Ndenle Nsa Mɔɔ Yɛdua Zo Yɛye Gyihova Ayɛlɛ Wɔ Yɛ Ayia Ne Mɔ Abo La
(Mit. 15) Adawubɔlɛ.
Asafo ayia maa yɛnyia adenle yɛye Gyihova ayɛlɛ. Ndenle nsa ɛne.
Adawubɔlɛ: Ɛ nee awie mɔ ɛlɛdi adwelie a ka Gyihova kpalɛyɛlɛ ne anwo edwɛkɛ. (Ed 145:1, 7) Wɔde anzɛɛ wɔgenga debie bie mɔɔ wɔnyia zolɛ nvasoɛ ɔ? Ɛnyianle anwubielɛ kɛnlɛma bie wɔ daselɛlilɛ nu ɔ? Asoo awie luale ye edwɛkɛ anzɛɛ ye nyɛleɛ zo maanle wɔ anwosesebɛ ɔ? Wɔnwu Gyihova abɔdeɛ bie mɔɔ maanle ɛ nye liele ɔ? Ninyɛne ɛhye mɔ amuala le ahyɛlɛdeɛ mɔɔ vi Gyihova ɛkɛ a. (Gye 1:17) Dwu ɛkɛ ne ndɛ amaa ɛ nee awie mɔ ali adwelie.
Mualɛ ɛmaanlɛ: Bɔ mɔdenle kɛ ɛbamaa mualɛ ko wɔ debiezukoalɛ biala abo. (Ed 26:12) Ɛbahola wɔaye kpuya bie anloa tee anzɛɛ wɔahilehile edwɛkɛ bie mɔɔ boka nwo, ngɛlɛlera anzɛɛ nvoninli bie anu. Eza ɛbahola wɔaha ɛzukoalɛdeɛ bie mɔɔ wɔ nu la anwo edwɛkɛ. Kɛ mɔɔ tɛ ɛ ngome a ɛbamaa ɛ sa zo kɛ ɛtendɛ la ati, ɔbayɛ kpalɛ kɛ ɛbaziezie mualɛ mɔɔ bo ko la. Menli dɔɔnwo bahola abɔ ‘ayɛlɛyelɛ afɔle amaa Nyamenle’ saa yɛ mualɛ ne yɛ kɛkɛ 30 anzɛɛ saa ɔndwu a.—Hi 13:15.
Edwɛne ɛdolɛ: Fi ahonle muala anu to Belemgbunlililɛ edwɛne ne bie. (Ed 147:1) Bie a ɛnrɛnyia nwolɛ adenle ɛnrɛmaa mualɛ wɔ debiezukoalɛ biala abo, titili saa ɛwɔ asafo mɔɔ le kpole la anu a, noko ɛbahola wɔado edwɛne ne bie. Saa bɔbɔ ɛte nganeɛ kɛ ɛnze edwɛne to a, yɛ biala mɔɔ ɛbahola la ye Gyihova ayɛlɛ! (2Kɔ 8:12) Ɛbahola wɔazukoa edwɛne ne wɔ sua nu kolaa na wɔara.
Ye VIDIO ne Yɛ Tetedwɛkɛ Ɛne—Edwɛne Le Ahyɛlɛdeɛ, Foa 1. Akee biza tievolɛma kɛ:
Kɛzi yɛ ahyehyɛdeɛ ne ɛhile kɛ edwɛne mɔɔ yɛfa yɛye Gyihova ayɛlɛ la anwo hyia ɛ?
8. Asafo Baebolo Ɛzukoalɛ
(Mit. 30) bt tile 9 ¶1-7, foa 3 mukenye yɛɛ ɛlɛka mɔɔ wɔ m. 70
