April 1-7
EDWƐNE 23-25
Edwɛne 4 Nee Asɔneyɛlɛ | Mukenye Edwɛkɛ (Mit. 1)
1. “Gyihova Le Me Neavolɛ”
(Mit. 10)
Gyihova kile yɛ adenle (Ed 23:1-3; w11 6/1 11 ¶3)
Gyihova bɔ yɛ nwo bane (Ed 23:4; w11 6/1 11 ¶4)
Gyihova maa yɛ aleɛ (Ed 23:5; w11 6/1 11 ¶5)
Gyihova nea ye azonvolɛ kɛ mɔɔ mboaneneavolɛ kpalɛ nea ye mboane la.
BIZA Ɛ NWO KƐ, ‘Kɛzi Gyihova ɛnlea me ɛ?’
2. Kpondɛ Baebolo Nu Ndelebɛbo
(Mit. 10)
Ed 23:3 —Duzu a le “tenleneyɛlɛ ndenle” ne mɔ, na duzu a baboa yɛ na yɛanvi zo a? (w11 2/1 24 ¶1-3)
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 23:1–24:10 (th ɛzukoalɛdeɛ 5)
4. Bɔ Adawubɔlɛ Bo
(Mit. 3) MEKƐ MƆƆ ƐNLE DASELƐLILƐ NU. Ahenle ka kɛ ninyɛne mɔɔ ɛlɛsɛkye wɔ azɛlɛ ye azo la gyegye ye, ɛ nee ye ɛzuzu ngɛlɛlera bie mɔɔ bamaa ye anwosesebɛ la anwo. (lmd ɛzukoalɛdeɛ 2 nɔma 5)
5. Sia Kɔkpɔla
(Mit. 4) AZUA NU DASELƐLILƐ. Kile awie mɔɔ liele Nyia Anyelielɛ Dahuu! brohyua ne bie la kɛzi yɛfa yɛsukoa Baebolo ne la. (lmd ɛzukoalɛdeɛ 9 nɔma 3)
6. Maa Bɛyɛ Ɛdoavolɛma
Edwɛne 54
7. Yɛkpo Kɛ Yɛbadie Nyɛvolɛ Ne
(Mit. 15) Adawubɔlɛ.
Mboane ze bɛ menle ane na bɛtoa ye. Noko akee, saa bɛte ɛyɛvolɛ ne a bɛnriandi. (Dwɔn 10:5) Zɔhane ala a, yɛtie Gyihova nee Gyisɛse mɔɔ bɛle yɛ sunsum nu mboaneneavolɛma mɔɔ bɛlɛ ɛlɔlɛ na yɛkola yɛfa yɛ nwo yɛto bɛ nwo zo la ane a. (Ed 23:1; Dwɔn 10:11) Noko akee, yɛkpo nyɛvolɛ mɔɔ bɛbɔ mɔdenle kɛ bɛdua “mɛlɛbɛla edwɛkɛ” zo bɛazɛkye yɛ diedi ne la ane.—2 Pi 2:1, 3.
Gyɛnɛsese tile nsa ka mekɛ mɔɔ limoa mɔɔ bɛdele ɛyɛvolɛ ne wɔ azɛlɛ ye azo la anwo edwɛkɛ. Seetan veale ɔ nwo ɔ nee Yive dendɛle. Ɔyɛle ɔ nwo kɛ ɔle sonla kpalɛ na ɔbɔle adalɛ ɔdole Gyihova abo. Ɔyɛ alɔbɔlɛ kɛ Yive diele ye, na ɛhye ɛva ngyegyelɛ dɔɔnwo ɛra ɔdaye nee ɔ bo zo amra anwo zo.
Ɛnɛ, Seetan bɔ mɔdenle kɛ ɔmaa yɛ adwenle nu ayɛ yɛ kesee ɔlua Gyihova nee ye ahyehyɛdeɛ ne anwo edwɛkɛ ɛtane, edwɛkɛ mɔɔ ɔnwie nɔhalɛ yɛ yɛɛ edwɛkɛ mɔɔ ɛnle nɔhalɛ fee mɔɔ ɔka la azo. Saa yɛte nyɛvolɛ ne a ɔwɔ kɛ yɛnriandi! Saa akpɔsemadi ti, yɛtie bɛ mekɛ ekyi bɔbɔ a ɔbahola yeayɛ esiane yeamaa yɛ. Seetan nee Yive lile adwelie sikalɛ noko ɔbɛlɛbɛlale ye, ɛnee ɔngyia edwɛkɛ dɔɔnwo. (Gyn 3:1, 4, 5) Na saa awie bie mɔɔ yɛze ye—ɔkulo yɛ na ɔlɛ yɛ anwo adwenle kpalɛ la—ka Gyihova ahyehyɛdeɛ ne anwo edwɛkɛ ɛtane ɛ?
Ye VIDIO ne Mmatie ‘Nyɛvolɛ Ne.’ Akee biza tievolɛma kɛ:
Duzu a ɛzukoale ɛvile kɛzi Rose nee ye maame mɔɔ ɛnle adiema la lile la anu ɛ?
8. Asafo Baebolo Ɛzukoalɛ
(Mit. 30) bt tile 8 ¶1-4, ɛlɛka mɔɔ wɔ m. 61-62
