April 28–May 4
MRƐLƐBULƐ 11
Edwɛne 90 Nee Asɔneyɛlɛ | Mukenye Edwɛkɛ (Mit. 1)
1. Mmaka!
(Mit. 10)
Mmaka edwɛkɛ mɔɔ bahola aboda ‘ɛ gɔnwo’ la (Mrɛ 11:9; mwbr25.03 10 ¶5)
Mmaka edwɛkɛ mɔɔ ɔfa mgbakyemgbakyenu ba la (Mrɛ 11:11; mwbr25.03 11 ¶1-2)
Mmada fealeranu edwɛkɛ ali (Mrɛ 11:12, 13; mwbr25.03 11 ¶3)
DWENLEDWENLE NWO: Kɛzi Gyisɛse edwɛkɛ mɔɔ wɔ Luku 6:45 la bahola aboa yɛ yeamaa yɛakpo ɛdendɛlɛ ɛtane ɛ?
2. Kpondɛ Baebolo Nu Ndelebɛbo
(Mit. 10)
-
Mrɛ 11:17—Duzu ati a ɔle kpalɛ kɛ yɛbala atiakunlukɛnlɛma ali a? (mwbr25.03 11 ¶4-6)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Mrɛ 11:1-20 (th ɛzukoalɛdeɛ 5)
4. Bɔ Adawubɔlɛ Bo
(Mit. 4) MEKƐ MƆƆ ƐNLE DASELƐLILƐ NU. Kpondɛ mekɛ kpalɛ ka mɔɔ wɔzukoa ye wɔ debiezukoalɛ bo la bie kile awie mɔɔ ɛze ye la. (lmd ɛzukoalɛdeɛ 2 nɔma 4)
5. Sia Kɔkpɔla
(Mit. 4) MEKƐ MƆƆ ƐNLE DASELƐLILƐ NU. Ye vidio mɔɔ boka Ninyɛne Titili Mɔɔ Yɛfa Yɛkilehile anwo la ko kile ahenle. (lmd ɛzukoalɛdeɛ 8 nɔma 3)
6. Maa Bɛyɛ Ɛdoavolɛma
(Mit. 4) BAGUA NU DASELƐLILƐ. Ka Baebolo ɛzukoalɛ nwo edwɛkɛ kile ahenle na kile ye kɛzi yɛ nee menli sukoa la. (lmd ɛzukoalɛdeɛ 10 nɔma 3)
Edwɛne 157
7. Mmafa Ɛ Tafinlima Ɛsɛkye Anzodwolɛ
(Mit. 15) Adawubɔlɛ.
Yɛfo wɔ yɛ ɛdendɛlɛ nu ɔluakɛ yɛnli munli. (Gye 3:8) Noko akee, saa yɛdwenle ngyegyelɛ mɔɔ edwɛkɛ ɛtane mɔɔ yɛbaha la bahola ava ara la anwo a, ɔnrɛmaa yɛnrɛha edwɛkɛ mɔɔ nzinlii yɛbanlu yɛ nwo wɔ nwo la. Ninyɛne mɔɔ yɛyɛ a ɔbahola yɛazɛkye asafo ne anzodwolɛ la bie mɔ ɛne:
-
Anwomemaazo. Saa awie twe adwenle ba ɔ nwo zo somaa a, ɔkola ɔmaa awie mɔ anye bolo ye na ɔfa ɛzulɛ subane ɔba.—Mrɛ 27:2
-
Edwɛkɛ mɔɔ ɔnle nɔhalɛ. Edwɛkɛ mɔɔ bɛdua zo bɛbɛlɛbɛla awie mɔ nee adalɛbɔlɛ boka nwo. Adalɛ nretee bɔbɔ kola sɛkye anwodozo mɔɔ menli lɛ wɔ yɛ nu la yɛɛ duma kpalɛ mɔɔ yɛlɛ la.—No 10:1
-
Ndɛneyelɛ. Ɛhye le awie anwo edwɛkɛ nee ye ɛbɛlabɔlɛ nu edwɛkɛ mɔɔ bɛka ye wɔ ɔ nzi mɔɔ ɔnwie nɔhalɛ yɛ la. Eza ɔbahola yeayɛ ye fealeranu edwɛkɛ mɔɔ bɛda ye ali la. (1Ti 5:13) Ɔbahola yeava mgbonde nee mgbakyemgbakyenu yeara
-
Edwɛkɛ mɔɔ bɛfa ɛya bɛka. Ɛhye le edwɛkɛ mɔɔ yɛka yɛtia awie mɔɔ ɛha yɛ la. (Ɛf 4:26) Ɔkola ɔboda.—Mrɛ 29:22
Ye VIDIO ne Bɛye Ninyɛne Mɔɔ Sɛkye Anzodwolɛ La Bɛgua—Foa bie. Akee biza tievolɛma kɛ:
-
Kɛzi yɛ ɛdendɛlɛ bahola azɛkye anzodwolɛ mɔɔ wɔ asafo ne anu la ɛ?
Saa ɛkulo kɛ ɛnwu kɛzi bɛzieziele bɛ avinli la a, nea ‘Kpondɛ Anzodwolɛ Na Di Ɔ Nzi’
8. Asafo Baebolo Ɛzukoalɛ
(Mit. 30) bt tile 25 ¶14-21
