Ɛlɔlɛ ka abusua ne bɔ nu. Saa ɛlɔlɛ ɛnle abusua bie anu a, bɛnrɛhola bɛnrɛyɛ ko na bɛayɛ ninyɛne bɛabɔ nu. Kɛzi kunlima, yelɛma yɛɛ awovolɛ bahola ala ɛlɔlɛ ali wɔ abusua ne anu ɛ?

Kunli mɔɔ lɛ ɛlɔlɛ la dwenle ɔ ye ngyianlɛ, ye nzuzulɛ nee ye nganeɛdelɛ nwo. (Ɛf 5:28, 29) Ɔfa abusua ne nwonane nu nee sunsum nu ngyianlɛ, mɔɔ Abusua Ɛzonlenlɛ boka nwo la ɔmaa bɛ dahuu. (1Ti 5:8) Yelɛ mɔɔ lɛ ɛlɔlɛ la bɛlɛ ɔ nwo aze maa ɔ hu na ɔda “ɛbulɛ kpole” ali ɔkile ye. (Ɛf 5:22, 33; 1Pi 3:1-6) Ɔwɔ kɛ kunli nee yelɛ fi ɛhulolɛ nu fa ɛtane kyɛ bɔkɔɔ. (Ɛf 4:32) Awovolɛ mɔɔ bɛlɛ ɛlɔlɛ la nyia kakula ko biala anwo anyelielɛ na bɛkilehile bɛ bɛmaa bɛkulo Gyihova. (Di 6:6, 7; Ɛf 6:4) Ngyegyelɛ boni a ɛ mra ne mɔ yia ye wɔ sukulu a? Kɛzi bɛlɛdi atipɛnema ngyegyelɛ nwo gyima ɛ? Saa ɛlɔlɛ wɔ abusua ne anu a, bɛ nuhua ko biala nyia banebɔlɛ.

NEA KƆ ZO DA ƐLƆLƐ ALI WƆ WƆ ABUSUA NE ANU VIDIO NE NA BUA KPUYA ƐHYE MƆ:

• Kɛzi ɔwɔ kɛ kunli mɔɔ lɛ ɛlɔlɛ la nea ɔ ye na ɔkile ɔ nwo anyelielɛ ɛ?

• Kɛzi ɔwɔ kɛ yelɛ mɔɔ lɛ ɛlɔlɛ la da ɛbulɛ kpole ali kile ɔ hu ɛ?

• Kɛzi ɔwɔ kɛ awovolɛ mɔɔ bɛlɛ ɛlɔlɛ la fa Nyamenle Edwɛkɛ ne tete bɛ mra ɛ?