YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Fa Wuluwuluyɛlɛ Kilehile
Saa yɛda wuluwuluyɛlɛ ali a, ɔnyia awie mɔ anwo zo tumi na ɔmaa bɛtie yɛ. Eza ɔkile kɛ yɛ edwɛkɛ ne sonle bolɛ. Ɔnva nwo ɛleka mɔɔ yɛvi anzɛɛ kɛzi yɛde la, yɛbahola yɛala wuluwuluyɛlɛ ali. (Wlo 12:11) Adenle boni azo?
Mɔɔ limoa, dwenle kɛzi wɔ edwɛkɛ ne anwo hyia la anwo. Ɛlɛ nwolɛ adenle kpole kpalɛ kɛ ɛbabɔ “ninyɛne mgbalɛ nwo edwɛkpa ne” nolo! (Wlo 10:15) Mɔɔ tɔ zo nwiɔ, dwenledwenle kɛzi wɔ edwɛkɛ ne bahola aha wɔ tievolɛma la anwo. Ɔhyia kɛ bɛte edwɛkpa ne. (Wlo 10:13, 14) Mɔɔ li awieleɛ, fa wuluwuluyɛlɛ tendɛ, fi ahonle nu keha ɛ nwo na fa ɛ nyunlu maanle ne da wɔ nganeɛdelɛ ali.
NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE—NYIA ANYUHƆLƐ—FA WULUWULUYƐLƐ KILEHILE VIDIO NE NA BUA KPUYA ƐHYE MƆ:
-
Duzu a maanle anyelielɛ mɔɔ Manzakyi lɛ kɛ ɔ nee Rose bazukoa Baebolo ne la hanle aze a?
-
Duzu a boale Manzakyi maanle ɔyɛle wuluwulu bieko a?
-
Wuluwuluyɛlɛ nyia awie mɔ anwo zo tumi
Duzu ati a ɔwɔ kɛ yɛfa yɛ adwenle yɛsie yɛ tievolɛma subane kpalɛ zo a?
-
Saa yɛda wuluwuluyɛlɛ ali a, kɛzi ɔka yɛ Baebolo sukoavoma nee awie mɔ gyɛne ɛ?
