YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Fa Ndonwo Kilehile Edwɛkɛ Titili Ne Mɔ Anu
Saa yɛlɛyɛ sia kɔkpɔla anzɛɛ Baebolo ɛzukoalɛ a, ɔwɔ kɛ yɛboa yɛ tievolɛma yɛmaa bɛte edwɛkɛ titili ne mɔ abo. Saa yɛfa ndonwo yɛkilehile edwɛkɛ titili ɛhye mɔ anu a, ɔka bɛ ahonle na ɔnyɛ se kɛ bɛbahakye mɔɔ bɛzukoa la dahuu.
Wɔ mekɛ mɔɔ ɛlɛsiezie ɛ nwo wɔahɔyɛ sia kɔkpɔla anzɛɛ Baebolo ɛzukoalɛ bie la, kpa edwɛkɛ titili mɔɔ ɛkulo kɛ ɛyɛ nwolɛ ndonwo la, tɛ mɔɔ anwo ɛngyia la. Akee kpa ndonwo sikalɛ mɔɔ bɛze ye la. (Mt 5:14-16; Mk 2:21; Lu 14:7-11) Suzu ɛleka mɔɔ wɔ tievolɛma vi yɛɛ gyima mɔɔ bɛyɛ la anwo. (Lu 5:2-11; Dwn 4:7-15) Saa bɛte edwɛkɛ ne abo na bɛ nye die a, ɔbamaa ɛdawɔ noko ɛ nye alie.
NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE—NYIA ANYUHƆLƐ—FA NDONWO KILEHILE EDWƐKƐ TITILI NE MƆ ANU VIDIO NE NA BUA KPUYA ƐHYE MƆ:
-
Duzu ati a sukoavoma hyia moalɛ amaa bɛade Baebolo ngyehyɛnu bie abo a?
-
Kɛzi Manzakyi vale ndonwo hilehilele nɔhalɛ edwɛkɛ mɔɔ wɔ Wulomuma 5:12 la anu ɛ?
-
Ndonwo kpalɛ ka ahonle
Kɛzi ndonwo kpalɛ bahola aboa yɛ tievolɛma ɛ?
-
Duzu ati a ɔwɔ kɛ yɛfa vidio nee ninyɛne gyɛne mɔɔ Gyihova ahyehyɛdeɛ ne ɛyɛ la yɛkilehile wɔ daselɛlilɛ nu a?
