Kɛmɔ yɛnli munli la ati, ɔnla aze kɛ yɛbahomo yɛ atiakunluwɔzo zo. Noko saa yɛangomo zo a, yɛbayɛ ninyɛne mɔɔ Gyihova ɛngulo la. Kɛ neazo la, bie mɔ ɛmaa ɛhulolɛ mɔɔ bɛlɛ bɛmaa aleɛ, adɛladeɛ nee dabelɛ la ɛyɛ kpole ɛdɛla ɛlɔlɛ mɔɔ bɛlɛ bɛmaa Nyamenle la. Bie mɔ noko afoa nu, bɛbulu Nyamenle ngyinlazo zo bɛfa bɛdi bɛ nla nwo atiakunluwɔzo nwo gyima. (Wlo 1:26, 27) Yɛɛ kɛmɔ bie mɔ noko kulo kɛ bɛ gɔnwo mɔ die bɛ to nu la ati, bɛmaa bɛtinlitinli bɛ nwo zo bɛmaa bɛyɛ ninyɛne mɔɔ ɛnle kpalɛ la.​—Ɛzɛ 23:2.

Kɛ ɔkɛyɛ na yɛahomo yɛ atiakunluwɔzo zo ɛ? Ɔwɔ kɛ yɛbɔ mɔdenle kɛ yɛbava yɛ adwenle yɛazie sunsum nu ninyɛne zo. (Mt 4:4) Bieko, ɔwɔ kɛ yɛsɛlɛ Gyihova kɛ ɔboa yɛ ɔmaa yɛhomo yɛ atiakunluwɔzo zo. Duzu ati ɔ? Ɔluakɛ Gyihova ze mɔɔ ɔle kpalɛ ɔmaa yɛ la, eza ɔze adenle kpalɛ mɔɔ ɔbahola yealua zo yeali yɛ atiakunluwɔzo nwo gyima yeamaa yɛ la.​—Ed 145:16.

NEA MMAMAA SIGALƐTENLONLƐ SƐKYE WƆ ƐBƐLABƆLƐ VIDIO NE NA BUA KPUYA ƐHYE MƆ:

• Duzu ati a bie mɔ no sigalɛte a?

• Duzu a sigalɛtenlonlɛ bahola ayɛ wɔ a?

• Duzu ati a sigalɛtenlonlɛ nee adwuleso adenle mɔɔ bɛdua zo bɛno sigalɛte anzɛɛ vaping ɛnle kpalɛ a?​—2Kɔ 7:1

• Kɛ ɔkɛyɛ na wɔakpo kɛ ɛbanlo sigalɛte anzɛɛ wɔagyakyi ye ɛnlonlɛ ɛ?