Yɛ nye la kɛ basabasayɛlɛ, menli ɛhunlɛ yɛɛ konle konle bahɔ ɔ nyunlu wɔ mekɛ mɔɔ ewiade ɛhye awieleɛ ɛlɛbikye kpalɛ la. (Ye 6:4) Kɛ ɔkɛyɛ na yɛaziezie yɛ nwo yɛamaa ngyegyelɛ mɔɔ yɛbayia bɛ kenle bie la ɛ?

• Siezie ɛ nwo wɔ sunsum nu: Kpondɛ Baebolo ngyinlazo bie mɔ nee Baebolo nu edwɛkɛ mɔɔ ɔbamaa wɔanyia Gyihova nee ahyehyɛdeɛ ne anu anwodozo na yeaboa wɔ amaa wɔangyinla afoa biala la. (Mrɛ 12:5; jr 125-126 ¶23-24) Ɛnɛ a le mekɛ mɔɔ ɔwɔ kɛ ɛnyia agɔnwolɛma kpalɛ wɔ asafo ne anu a.​—1Pi 4:7, 8

• Siezie ɛ nwo wɔ nwonane nu: Saa ɔba ye kɛ ɔwɔ kɛ ɛfea sua nu mekɛ dodo bie a, yɛ nziezielɛ mɔɔ ɔbamaa wɔanyia banebɔlɛ kpalɛ nee ninyɛne mɔɔ ɛbahyia nwo la. Dimoa dwenle ɛleka mɔɔ saa ɔba ye kɛ ɔwɔ kɛ ɛfi sua nu a ɛbahɔ la anwo. Neɛnlea wɔ esiane mekɛ nu baage ne anu na fa banebɔlɛ ninyɛne le kɛ nose mask, gloves nee ezukoa boka nwo. Nwu kɛzi ɛ nee mgbanyima ne mɔ bali ngitanwo nee kɛzi bɛdabɛ noko bɛ nee wɔ bali ngitanwo la.​—Ay 32:2; g17.5-E 3-7

Wɔ basabasayɛlɛ mekɛ nu mmagyakyi sunsum nu debie biala ɛyɛlɛ. (Fe 1:10) Kyesɛ nwolɛ hyia, tɛ ye zɔ a mmatu ɛfi ɛleka mɔɔ ɛde la ɛkɔ ɛleka fofolɛ. (Mt 10:16) Ɛ nee menli ɛhyɛ wɔ aleɛ nee ninyɛne mɔɔ ɛlɛ la.​—Wu 12:13.

NEA WƆZIEZIE Ɛ NWO KPALƐ WƆMAA ESIANE MEKƐ Ɔ? VIDIO NE NA BUA KPUYA ƐHYE MƆ:

• Kɛzi Gyihova bahola aboa yɛ wɔ esiane mekɛ nu ɛ?

• Ninyɛne boni mɔ a yɛbahola yɛayɛ yɛava yɛaziezie yɛ nwo a?

• Kɛ ɔkɛyɛ na yɛaboa menli mɔɔ esiane ɛdo bɛ la ɛ?