“Gyihova anye die ye menli ne anwo.” (Ed 149:4) Yɛnli munli ɛdeɛ, noko Gyihova nwu yɛ subane mgbalɛ ne mɔ nee mɔɔ yɛkola yɛyɛ la. Noko akee ɔyɛ a ɔnla aze kɛ yɛdayɛ mumua ne yɛbanwu subane mgbalɛ ɛhye mɔ mɔɔ yɛlɛ bɛ la. Kɛzi menli nee yɛ di la bahola amaa yɛade nganeɛ kɛ nvasoɛ ɛnle yɛ nwo zo. Anzɛɛ saa yɛfa yɛ adwenle yɛsie nvonleɛ mɔɔ yɛyɛ bɛ dɛba la azo a, ɔbamaa yɛade nganeɛ kɛ Gyihova ɛngulo yɛ edwɛkɛ. Saa yɛte nganeɛ zɛhae a, duzu a bahola aboa yɛ a?

Kakye kɛ Gyihova nwu ninyɛne mɔɔ yɛngola yɛnnwu bɛ la. (1Sa 16:7) Ɛhye kile kɛ ɔze yɛ kpalɛ ɔtɛla kɛzi yɛdayɛ mumua ne yɛze yɛ nwo la. Baebolo ne maa yɛte kɛzi Gyihova ze yɛ kpalɛ la abo. Saa yɛkenga Baebolo ne a, ɔbaboa yɛ yeamaa yɛanwu kɛzi Gyihova kulo ye azonvolɛ mɔɔ bɛsonle ye la.

NEA MAA WƆ AHONLE ƐZI PI WƆ GYIHOVA ANYUNLU VIDIO NE NA BUA KPUYA ƐHYE MƆ:

• Kɛzi kakula ne mɔɔ su ɛnriandilɛ nee ye papa neazo ne boa yɛ maa yɛte kɛzi Gyihova nwu yɛ la abo ɛ?

  Your answer

• Saa awie yɛ nvonleɛ kpole na ɔbɔ mɔdenle ɔsiezie ɔ nee Gyihova avinli a, adenle boni azo a ɔbahola yeamaa ye ahonle azi pi wɔ Gyihova anyunlu a?​—1Dw 3:19, 20

  Your answer

• Kɛzi Devidi nee Gyɛhɔhyafate edwɛkɛ ne mɔɔ adiema ne gengale na ɔdwenledwenlenle nwolɛ la boale ye ɛ?

  Your answer