May 27–June 2
EDWƐNE 42-44
Edwɛne 86 Nee Asɔneyɛlɛ | Mukenye Edwɛkɛ (Mit. 1)
1. Nyia Gyihova Ngilehilelɛ Zo Nvasoɛ Kpalɛ
(Mit. 10)
Ɛ nee ɛ mediema ɛyia nu dahuu ɛzonle Gyihova wɔ Belemgbunlililɛ Asalo, saa ɔkɛyɛ boɛ a (Ed 42:4, 5; mwbr24.05 5 ¶1)
Dimoa yɛ asɔne na wɔazukoa Baebolo ne (Ed 42:8; mwbr24.05 5 ¶2)
Maa Baebolo ne ɛhile wɔ adenle wɔ debie biala mɔɔ ɛbayɛ la anu (Ed 43:3)
Gyihova ngilehilelɛ maa yɛ anwosesebɛ ɔmaa yɛgyinla sɔnea nloa na yɛsonle ye dahuu.—1Pi 5:10; w16.09 5 ¶11-12.
2. Kpondɛ Baebolo Nu Ndelebɛbo
(Mit. 10)
-
Ed 44:19—Hibulu edwɛkɛ mɔɔ bɛhile ɔ bo “wɔgyakyi yɛ wɔmaa nanemgbole” la, eza kola kile “wɔgyakyi yɛ wɔ ɛzonlɛ dabelɛ.” Duzu a ɛnee edwɛndolɛnli ne ɛlɛkile a? (mwbr24.05 5 ¶5)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 44:1-26 (th ɛzukoalɛdeɛ 11)
4. Bɔ Adawubɔlɛ Bo
(Mit. 4) AZUA NU DASELƐLILƐ. Ka Baebolo ɛzukoalɛ nwo edwɛkɛ. (lmd ɛzukoalɛdeɛ 5 nɔma 5)
5. Sia Kɔkpɔla
(Mit. 5) AZUA NU DASELƐLILƐ. To ɛsalɛ fɛlɛ ahenle kɛ ɔradie bagua nu ɛdendɛlɛ mɔɔ bɛbamaa la bie. Ye Duzu A Bɛyɛ Ye Wɔ Belemgbunlililɛ Asalo Ɛkɛ A? vidio ne kile ye. (lmd ɛzukoalɛdeɛ 7 nɔma 5)
6. Ɛdendɛlɛ
(Mit. 3) lmd mokanwo A nɔma 4—Edwɛkɛtile: Awie Biala Bade Kpɔkɛ Kpalɛ. (th ɛzukoalɛdeɛ 2)
Edwɛne 21
7. Si Gyima Nee Nwomazukoalɛ Nwo Kpɔkɛ Kpalɛ
(Mit. 15) Adawubɔlɛ.
Mgbavolɛ nee mbɛlɛra, asoo bɛlɛyɛ debie mɔɔ saa bɛwie sukunwiɔ a bɛbayɛ la anwo ngyehyɛleɛ ɔ? Bie a wɔnwu gyima mɔɔ ɛbayɛ amaa wɔahola wɔayɛ adekpakyelɛ la. Anzɛɛ ɛlɛdwenle sukulu mɔɔ ɛkɔ a ɔbamaa wɔanyia ɛ sa anloa gyima, tumi kɛlata anzɛɛ diploma bie mɔɔ ɛbava wɔakpondɛ gyima zɔhane la anwo. Ɔle anyelielɛ mekɛ! Noko ɔbahola yeayɛ ngyegyelɛ wɔ mekɛ mɔɔ ɛnnwu debie fɔɔnwo mɔɔ ɛbayɛ anzɛɛ menli bie mɔ ɛlɛtinlitinli wɔ kɛ ɛyɛ mɔɔ bɛha la. Duzu a baboa wɔ yeamaa wɔazi kpɔkɛ kpalɛ a?
Kenga Mateyu 6:32, 33. Akee biza tievolɛma kɛ:
-
Duzu ati a ɔhyia kɛ ɛdimoa ɛnwu mɔɔ ɛbayɛ ye wɔ Gyihova ɛzonlenlɛ nu la kolaa na wɔazi gyima nee nwomazukoalɛ nwo kpɔkɛ a?
-
Kɛzi awovolɛ bahola aboa bɛ mra bɛamaa bɛava Mateyu 6:32, 33 bɛali gyima ɛ?—Ed 78:4-7
Nea boɛ na wɔangyinla ɛhulolɛ mɔɔ ɛlɛ kɛ ɛbanyia ezukoa anzɛɛ ɛbalie duma la azo wɔanzi kpɔkɛ. (1Dw 2:15, 17) Kakye kɛ saa awie nyia ɔ nwo somaa a, ɔbahola yeayɛ se yeamaa ye kɛ ɔbalie Belemgbunlililɛ edwɛkɛ ne yeado nu. (Lu 18:24-27) Ɔbayɛ se yeamaa awie mɔɔ ɔlɛpele yeakpondɛ ezukoa dɔɔnwo la kɛ ɔbanyia diedi mɔɔ anu yɛ se na yeava ye adwenle yeazie Gyihova ɛzonlenlɛ zo.—Mt 6:24; Mk 8:36.
Ye VIDIO ne Nea Boɛ Wɔ Ninyɛne Mɔɔ Minli La Anwo!—Anwonyia. Akee biza tievolɛma kɛ:
-
Kɛzi Mrɛlɛbulɛ 23:4, 5 bahola aboa wɔ yeamaa wɔazi kpɔkɛ kpalɛ ɛ?
8. Asafo Baebolo Ɛzukoalɛ
(Mit. 30) bt tile 10 ¶5-12
