Ɛnee kunlavolɛ raalɛ ne ndoboa ne ɛnza aleɛ biala to. (Nea ngilenu maa Luku 21:4.) Noko akee, ɛnee ye ndoboa ne da ɛlɔlɛ nee anyezɔlɛ mɔɔ ɔlɛ ɔmaa Gyihova ɛzonlenlɛ la ali. Ɔlua ɛhye ati, ɛnee ye ndoboa ne sonle bolɛ kpole wɔ ye anwuma Selɛ ne anye zo.​—Mk 12:43.

NEA ‘BƐ SA NU AHYƐLƐDEƐ MAA GYIHOVA’ VIDIO NE NA BUA KPUYA ƐHYE MƆ:

• Duzu a bɛfa ndoboa mɔɔ yɛye la bie bɛyɛ a?

• Saa yɛ ndoboa ne le ekyi bɔbɔ a, duzu ati a ɔsonle bolɛ a?

• Kɛ ɔkɛyɛ na yɛanwu ndenle ngakyile mɔɔ bɛdua zo bɛye ndoboa wɔ ɛleka mɔɔ yɛwɔ la ɛ?​—Nea ɛlɛka “ Sukoa Dɔɔnwo Wɔ Yintanɛte Ne Azo”