Ɔvi tete ne amuala, Nyamenle azonvolɛ ɛyɛ ninyɛne mɔɔ yɛ nwanwane la. Noko tɛ bɛ anwosesebɛ ɔ, kɛmɔ Gyihova boa bɛ la ati ɔ. Wɔ 1954 ne, Gyihova ahyehyɛdeɛ ne yɛle vidio bie mɔɔ bɛdo ye duma kɛ The New World Society in Action la. Bɛtɛlema mɔɔ bɛnlɛ anwubielɛ wɔ vidio ɛyɛlɛ nu la a yɛle vidio ɛhye a. Ɔlua Gyihova sunsum nwuanzanwuanza ne azo a bɛholale bɛyɛlɛ gyima ɛsesebɛ ɛhye a. Ɛhye maa yɛnyia anwodozo kɛ saa yɛfa yɛ nwo yɛto Gyihova anwo zo a, yɛbahola yɛayɛ gyima biala mɔɔ ɔbava yeamaa yɛ la.​—Zɛk 4:6.

NEA KƐZI BƐYƐLE “THE NEW WORLD SOCIETY IN ACTION” NE LA VIDIO NE NA BUA KPUYA ƐHYE MƆ:

• Duzu ati a bɛzile kpɔkɛ kɛ bɛyɛ vidio mɔɔ fale ewiade amuala gyima ne ati la anwo a?

• Kɛzi bɛlale ye ali wɔ vidio ne anu kɛ Bɛtɛle le kɛ sonlabaka ne ɛ?​—1Kɔ 12:14-20

• Ngyegyelɛ boni a mediema mɔɔ ɛnee bɛlɛyɛ vidio ne la yiale a, na kɛzi bɛholale bɛlile nwolɛ gyima ɛ?

• Duzu a vidio ɛhye kilehile wɔ wɔ Gyihova sunsum nwuanzanwuanza ne anwo a?