Asɔneyɛlɛ mɔɔ Gyihova die to nu la le kɛ ayilevuanlɛ ne mɔɔ ɛnee bɛyela ye wɔ Gyihova anyunlu wɔ ɛzonlenlɛsua ne anu dahuu la. (Ed 141:2) Saa yɛka anyezɔlɛ nee ɛlɔlɛ mɔɔ yɛlɛ yɛmaa yɛ anwuma Selɛ ne nee yɛ ngyegyelɛ nee yɛ ngyianlɛ yɛkile ye na yɛkpondɛ adehilelɛ yɛfi ye ɛkɛ a, ɛnee yɛlɛda ye ali kɛ yɛbu agɔnwolɛvalɛ mɔɔ yɛ nee ye lɛ la kɛ ɔsonle bolɛ. Nɔhalɛ nu, Gyihova bu asɔneyɛlɛ sikalɛ mɔɔ yɛyɛ ye wɔ yɛ ayia ne mɔ abo la kɛ ɔle yɛ ɛzonlenlɛ ne foa mɔɔ ɔhyia kpalɛ. Noko akee, saa yɛfa mekɛ tendenle yɛka kɛzi yɛte nganeɛ nee ninyɛne mɔɔ yɛlɛdwenle nwo la anwo edwɛkɛ yɛkile Gyihova wɔ yɛ ti anwo asɔneyɛlɛ nu a, ɔmaa ɔ nye die kpole kpalɛ!​—Mrɛ 15:8.

NEA ASƆNEYƐLƐ ƐHA ME NWO VIDIO NE NA BUA KPUYA ƐHYE MƆ:

• Nwolɛ adenle boni mɔ a Adiema Johnson nyianle ye wɔ Gyihova ɛzonlenlɛ nu a?

• Kɛzi Adiema Johnson luale asɔneyɛlɛ zo vale ɔ nwo dole Gyihova anwo zo ɛ?

• Ɛzukoalɛdeɛ boni a ɛnyianle ye wɔ Adiema Johnson anwubielɛ ne anu a?