December 23-29
EDWƐNE 119:121-176
Edwɛne 31 Nee Asɔneyɛlɛ | Mukenye Edwɛkɛ (Mit. 1)
1. Kɛ Ɔkɛyɛ Na Yɛandwe Adwenleadwenle Yɛando Yɛ Nwo Zo La
(Mit. 10)
Kulo Nyamenle mɛla ne mɔ (Ed 119:127; w18.06 17 ¶5-6)
Kyi ɛtaneyɛlɛ (Ed 119:128; mwbr24.11 8 ¶4)
Tie Gyihova amaa wɔanyɛ wɔ ninyɛne kɛ awie mɔɔ ɔnlɛ “anwubielɛ” la (Ed 119:130, 133; Mrɛ 22:3)
BIZA Ɛ NWO KƐ, ‘Nzenzaleɛ boni mɔ a ɔwɔ kɛ meyɛ mefa mekile kɛ mekulo Nyamenle mɛla ne mɔ na mekyi ɛtaneyɛlɛ a?’
2. Kpondɛ Baebolo Nu Ndelebɛbo
(Mit. 10)
-
Ed 119:160—Kɛ mɔɔ ngyɛnu ɛhye kile la, duzu a ɔwɔ kɛ yɛdie yɛdi a? (w23.01 2 ¶2)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 119:121-152 (th ɛzukoalɛdeɛ 2)
4. Bɔ Adawubɔlɛ Bo
(Mit. 3) AZUA NU DASELƐLILƐ. (lmd ɛzukoalɛdeɛ 1 nɔma 5)
5. Sia Kɔkpɔla
(Mit. 4) AZUA NU DASELƐLILƐ. Kile ahenle kɛzi ɔbanyia edwɛkɛ mɔɔ ɔ nye die nwolɛ la wɔ jw.org. (lmd ɛzukoalɛdeɛ 8 nɔma 3)
6. Maa Bɛyɛ Ɛdoavolɛma
(Mit. 5) Ɛ nee Baebolo sukoavo mɔɔ ɔnda ɔmba debiezukoalɛ la ɛzuzu ninyɛne nwo. (lmd ɛzukoalɛdeɛ 12 nɔma 4)
Edwɛne 121
7. Mmamaa Ezukoa Ye Adwenleadwenle To Ɛ Nwo Zo
(Mit. 15) Adawubɔlɛ.
Menli mɔɔ anye ɛbolo ɛlɛkpondɛ ezukoa la ɛva ‘nyanelilɛ dɔɔnwo ɛwowɔ bɛ nwo.’ (1Ti 6:9, 10) Saa yɛmaa ezukoa nwo kyia yɛ tɛla debie biala wɔ yɛ ɛbɛlabɔlɛ nu a, ngyegyelɛ mɔɔ ɔbahola yeava yearɛlɛ yɛ la bie mɔ ɛne.
-
Yɛnrɛhola yɛ nee Gyihova ɛnrɛnyia agɔnwolɛvalɛ kpalɛ.—Mt 6:24
-
Yɛ kunlu ɛnrɛdwo mɔɔ yɛlɛ ye la anwo ɛlɛ.—No 5:10
-
Ɔnrɛyɛ se kɛ yɛbabulu Gyihova ngyinlazo zo, yɛabɔ adalɛ, yɛawua na yɛabɛlɛbɛla menli. (Mrɛ 28:20) Saa yɛyɛ ninyɛne ɛhye mɔ a yɛ adwenle babua yɛ fɔlɛ, yɛ duma bazɛkye na yɛnrɛnyia Nyamenle anyunlu ɛlolɛ
Kenga Hibuluma 13:5, na bɛzuzu kpuya ɛhye anwo:
-
Adwenle boni a saa yɛnyia ye wɔ ezukoa nwo a ɔbaboa yɛ yeamaa yɛahwe yɛ nwo yɛavi ngyegyelɛ nwo a, na kɛmɔti ɛ?
Saa yɛ nye ɛmbolo ezukoa bɔbɔ na yɛanva yɛanli gyima nrɛlɛbɛ nu a, yɛbayia ngyegyelɛ dɔɔnwo.
Ye NVONINLI MƆƆ BƐDOLƆ LA VIDIO ne Kɛzi Ɛbava Ezukoa Wɔali Gyima Kpalɛ La. Akee biza tievolɛma kɛ:
-
Duzu ati a ɔwɔ kɛ yɛyɛ kɛzi yɛfa ezukoa yɛdi gyima la anwo ngyehyɛleɛ a, na kɛzi yɛbayɛ ye ɛ?
-
Duzu ati a ɔle kpalɛ kɛ yɛbazie ezukoa a?
-
Duzu ati a ɔnle kɛ yɛtwe kakɛ mɔɔ anwo ɛngyia la yɛto yɛ nwo zo a?
8. Asafo Baebolo Ɛzukoalɛ
(Mit. 30) bt tile 20 ¶1-7, yɛɛ foa 7 mukenye
