YƐ ƐBƐLABƆLƐ NEE YƐ ƐZONLENLƐ NYIANU BULUKU October 2016
Edwɛkɛ Mɔɔ Yɛbaha La Neazo
Nzuzulɛ mɔɔ yɛbalua zo yɛava Awake!, asafo debiezukoalɛ ɛsalɛdolɛ kɛlata nee Baebolo nu nɔhalɛ edwɛkɛ mɔɔ se yɛwu a yɛkɔ ni yɛamaa la. Dua neazo ne mɔ azo siezie edwɛkɛ mɔɔ ɛbaha la.
NYAMENLE EDWƐKƐ NE AZO NVASOƐ
“Yeye Wɔ Ahonle Nu Fa Ɛ Rɛle Wula Gyihova Anu”
Mrɛlɛbulɛ tile 3 maa yɛ anwosesebɛ kɛ Gyihova bayila anwodozo mɔɔ yɛlɛ ye nu la azo. Kɛ ɔkɛyɛ na wɔanwu ye kɛ wɔva ɛ rɛle kɔsɔɔti wɔwula Gyihova anu ɛ?
NYAMENLE EDWƐKƐ NE AZO NVASOƐ
“Bɛmmamaa Bɛ Ahonle Kakyi Kɔfa Ye Adenle Zo”
Mrɛlɛbulɛ tile 7 ka kpavolɛ bie mɔɔ maanle awie lile ye adwenle maanle ɔyɛle ɛtane wɔ mekɛ mɔɔ yeanli Gyihova ngyinlazo zo la anwo edwɛkɛ. Duzu a yɛbahola yɛazukoa yɛavi ye nvonleɛ ne anu a?
NYAMENLE EDWƐKƐ NE AZO NVASOƐ
Nrɛlɛbɛ Le Kpalɛ Tɛla Ezukoa Nvutuke
Mrɛlɛbulɛ 16 ka kɛ ɔle kpalɛ kɛ yɛbanwu nrɛlɛbɛ tɛla kɛ yɛbanyia ezukoa nvutuke. Duzu ati a anwuma nrɛlɛbɛ sonle bolɛ kpalɛ ɛ?
YƐ KILISIENE ƐBƐLABƆLƐ
Kɛzi Bɛmaa Mualɛ Kpalɛ La
Mualɛ kpalɛ boa ahenle mɔɔ maa la nee asafo ne. Duzu a maa bɛmaa mualɛ kpalɛ a?
NYAMENLE EDWƐKƐ NE AZO NVASOƐ
Ɛ Nee Awie Mɔ Ɛdɛnla Anzodwolɛ Nu
Anzodwolɛ mɔɔ wɔ Gyihova menli avinli la ɛmba mgbane ala. Yɛbahola yɛava Nyamenle Edwɛkɛ ne yɛali ɛya zo konim na yɛakpondɛ anzodwolɛ.
NYAMENLE EDWƐKƐ NE AZO NVASOƐ
“Tete Kakula Wɔ Adenle Mɔɔ Ɔwɔ Kɛ Ɔfa Zo La Anu”
Nzɔne ati a ndeanlɛ nwo hyia amaa bɛatete kakula kpalɛ ɛ? Folɛdulɛ dɔɔnwo wɔ Mrɛlɛbulɛ 22 ne anu maa awovolɛ.
YƐ KILISIENE ƐBƐLABƆLƐ
Ɛlɛfa JW.ORG Ngitanwolilɛ Kaade Ne Wɔali Gyima Ɔ?
Fa ngitanwolilɛ kaade ɛhye twe menli adwenle kɔ Nyamenle Edwɛkɛ ne nee yɛ wɛbsaete ne azo mekɛ biala.
