DEƐMƆTI ƆHYIA LA: Gyisɛse hilele kɛ ɛlɔlɛ a bamaa menli anwu ye ɛdoavolɛ ne mɔ a. (Dwn 13:34, 35) Amaa yɛala Kelaese ɛlɔlɛ ne bie ali la, ɔnle kɛ yɛyɛ angomedi. Eza ɔwɔ kɛ yɛkoati ɛyavalɛ.​—1Kɔ 13:5.

KƐZI BƐYƐ YE LA:

• Saa awie ka edwɛkɛ nyane anzɛɛ yɛ debie ɛtane tia wɔ a, gyinla na suzu mɔɔ vale ngyegyelɛ ne rale nee mɔɔ ɔbahola yeavi wɔ nyɛleɛ nu yeara la anwo.​—Mrɛ 19:11

• Kakye kɛ yɛ muala yɛnli munli na ɔdwu mekɛ ne bie a yɛka anzɛɛ yɛyɛ debie na nzinlii yɛanlu yɛ nwo

• Siezie edwɛkɛ ne ndɛndɛ

NEA “BƐHULO BƐ NWO NGOKO NGOKO”​—KPO ANGOMEDI NEE ƐYAVALƐ VIDIO NE, NA BUA KPUYA ƐHYE MƆ:

• Kɛzi Assuah yɛle ninyɛne maanle ɔbole zo wɔ Kwofie adwenle ɛhilelɛ ne anwo ɛ?

• Kɛzi mekɛ ekyi mɔɔ Kwofie vale dwenledwenle ninyɛne nwo la boale maanle ɔhoatile ɛyavalɛ ɛ?

• Kɛzi Kwofie mualɛ bɛtɛɛ ne maanle ɛya ne dwole ɛ?