YƐ KILISIENE ƐBƐLABƆLƐ
Ngakula—Asoo Gyihova Le Bɛ Gɔnwo Kpalɛ Ɔ?
Subane boni mɔ a ɛ nye la kɛ ɛ gɔnwo bala ye ali a? Bie a, ɛbahulo kɛ bɛbali nɔhalɛ, bɛayɛ nyele na bɛabuke bɛ sa nu. Gyihova da subane ɛhye mɔ amuala ali. (Ɛzɛ 34:6; Gyi 14:17) Ɔtie wɔ asɔneyɛlɛ. Mekɛ biala mɔɔ ɛhyia moalɛ la, ɔboa wɔ. (Ed 18:19, 35) Ɔfa wɔ ɛtane ɔkyɛ wɔ. (1Dw 1:9) Gyihova le agɔnwolɛ kpalɛ mɔɔ tɛla biala!
Kɛ ɔkɛyɛ na wɔayɛ Gyihova agɔnwo ɛ? Dua Baebolo ne ɛgengalɛ zo sukoa ɔ nwo debie. Ka wɔ edwɛkɛ kile ye. (Ed 62:8; 142:2) Da ye ali kɛ ɛ nye die ninyɛne mɔɔ anwo hyia Gyihova le kɛ ɔ Ra ne, ye Belemgbunlililɛ ne nee ye kenle bie ɛwɔkɛ ngakyile ne mɔ anwo. Ka nwolɛ edwɛkɛ kile awie mɔ. (Di 32:3) Saa ɛ nee Gyihova nyia agɔnwolɛvalɛ mɔɔ nuhua yɛ se a, ɔbayɛ ɛ Gɔnwo dahuu.—Ed 73:25, 26, 28.
NEA MGBAVOLƐ NEE MBƐLƐRA—“BƐZƆ BƐNLEA NA BƐNWU KƐ GYIHOVA LE KPALƐ” VIDIO NE NA BUA KPUYA ƐHYE MƆ:
-
Kɛzi ɛbaziezie ɛ nwo wɔamaa bɛnwozoyilalɛ nee ɛzɔnenlɛ ɛ?
-
Kɛzi asafo ne anu amra bahola aboa wɔ amaa wɔazonle Gyihova ɛ?
-
Kɛzi daselɛlilɛ bamaa wɔamia ɛ nee Gyihova agɔnwolɛvalɛ ne anu ɛ?
-
Ɛ nee Gyihova agɔnwolɛvalɛ ne bahola adɛnla ɛkɛ ne dahuu!
Ɛzonlenlɛ nwo adenle boni mɔ a wɔ ɛkɛ mɔɔ ɛbahola wɔadwu nwo a?
-
Duzu a ɛkulo ye wɔ Gyihova anwo a?
