6:9-11, 25-27, 54, 66-69

Mekɛ mɔɔ Gyisɛse vale ndonwo bie lile gyima mɔɔ ɛnee ye ɛdoavolɛma ne ɛnde ɔ bo kpalɛ la, bie mɔ asa anu dole na bɛ nee ye anlua bieko. Gyisɛse luale nwanwane adenle zo maanle bɛ aleɛ vale hilele kɛ ye tumi ne vi Nyamenle ɛkɛ ne la, ye kenle ko ala ɛne. Yemɔti duzu ati a bɛdule koti a? Ɔda ali kɛ, ɛnee angomedi adwenle ti a bɛli Gyisɛse anzi a. Nwonane afoa nu ninyɛne ti ɔ.

Ɔwɔ kɛ ɛbiza ɛ nwo kɛ: ‘Duzu ati a meli Gyisɛse anzi a? Asoo nyilalɛ mɔɔ menyia ye kɛkala nee mɔɔ mebanyia ye kenle bie la ati a medoa ye ɔ? Anzɛɛ ɔlua Gyihova anwo ɛlɔlɛ mɔɔ melɛ ye na mekulo kɛ mesɔ ɔ nye la ati ɔ?’

Duzu ati a yɛbahola yɛadu koti, saa bodane titili mɔɔ ɔti yɛlɛsonle Gyihova la a le ɛhye mɔ a?

• Yɛ nye die kɛ yɛwɔ Nyamenle menli avinli la

• Yɛkulo kɛ yɛtɛnla aze wɔ Paladaese