Ɛbɛlabɔlɛ wɔ awieleɛ mekɛ ɛhye anu le ngyegyelɛ ngome. Mɔɔ yɛlɛbikye ewiade ɛhye awieleɛ ne kpalɛ la, ninyɛne nu bahɔ zo ayɛ se kpole kpalɛ. Ɔdwu mekɛ ne bie a yɛbahyia nwonane afoa nu ninyɛne bie mɔ anwo. (Hab 3:16-18) Duzu a baboa yɛ na yɛanyia anwodozo kɛ yɛbahola yɛagyinla ezukoa nwo ngyegyelɛ nloa ɛ? Ɔwɔ kɛ yɛkɔ zo yɛfa yɛ nwo yɛto Gyihova Nyamenle anwo zo. Yebɔ ye azonvolɛ ɛwɔkɛ kɛ ɔbanlea bɛ na ɔbahola yeava mɔɔ yɛhyia nwo wɔ tɛnlabelɛ biala anu la yeamaa yɛ.​—Ed 37:18, 19; Hi 13:5, 6.

Mɔɔ ɛbahola wɔayɛ la:

• Sɛlɛ Gyihova kɛ ɔhile wɔ adenle, ɔmaa wɔ nrɛlɛbɛ na ɔboa wɔ.​—Ed 62:8

• Nyia ɛhulolɛ kɛ ɛbayɛ gyima biala saa bɔbɔ ɛtɛyɛle bie ɛlɛ a.​—g-E 1/10 8-9, ɛlɛka

• Kenga Baebolo ne alehyenlɛ biala, mmamaa debiezukoalɛ kpa ɛ ti na yɛ daselɛlilɛ gyima ne kpalɛ

NEA SI SUA MƆƆ BAGYINLA ƐKƐ NE DAHUU LA​—‘MAA Ɛ KUNLU ƐDWO MƆƆ ƐLƐ YE LA ANWO’ VIDIO NE NA BUA KPUYA ƐHYE MƆ:

• Ngyegyelɛ boni a mbusua bie mɔ yiale a?

• Duzu a nwolɛ hyia kpalɛ wɔ ɛbɛlabɔlɛ nu a?

• Duzu a yɛbahola yɛayɛ yɛaboa menli mɔɔ ɛlɛyia ezukoa nwo ngyegyelɛ la a?