YƐ KILISIENE ƐBƐLABƆLƐ
Gyihova Die Bɛdabɛ Mɔɔ Bɛ Sa Nu Ɛdo La
Ɔdwu mekɛ ne bie a, yɛ nuhua ko biala di nyane wɔ ɛbɛlabɔlɛ nu. Noko yemɔ ɛngile kɛ yɛnlɛ Gyihova anu diedi. Ɔluakɛ yeanyɛ boɛ fee la, Gyihova ɛmaa yela ali kɛ ɔdwu mekɛ ne bie a ɔdaye noko ɔdi nyane. (Gyn 6:5, 6) Na saa yɛdi nyane dahuu na nyanelilɛ ne fo yɛ nwo zo ɛ?
Kpondɛ moalɛ fi Gyihova ɛkɛ. Kɛzi yɛte nganeɛ la anwo hyia Gyihova kpalɛ. Ɔze mekɛ mɔɔ yɛ nye kɛlie nee mekɛ mɔɔ yɛlɛdi nyane la. Ɔte kɛzi yɛdwenle nee kɛzi yɛte nganeɛ wɔ ninyɛne bie mɔ anwo la abo. (Ed 7:9b) Mɔɔ ɔhyia kpalɛ la, Gyihova dwenle yɛ nwo na ɔkulo kɛ ɔboa yɛ ɔmaa yɛgyinla nyanelilɛ anzɛɛ adwenleadwenle nloa.—Ed 34:18.
Bɔ wɔ adwenle ne anwo bane. Saa yɛte nganeɛ kɛ yɛnfɛta na yɛ sa nu to a, ɔbahola yeazɛkye yɛ anyelielɛ nee agɔnwolɛvalɛ mɔɔ ɔla yɛ nee Gyihova avinli la. Ɔlua ɛhye ati ɔwɔ kɛ yɛbɔ yɛ ahonle ne mɔɔ ɔgyi ɛkɛ ne ɔmaa yɛ adwenle, yɛ nzuzulɛ nee yɛ nganeɛdelɛ la anwo bane.—Mrɛ 4:23.
NEA KƐZI YƐ MEDIEMA ƐLƐNYIA ANZODWOLƐ ƆNVA NWO ADWENLEADWENLE VIDIO NE, NA BUA KPUYA ƐHYE MƆ:
-
Ninyɛne boni mɔ a Nikki yɛle vale gyinlanle ye adwenleadwenle ne anloa a?
-
Duzu ati a Nikki dele nganeɛ kɛ ɔhyia kɛ ɔkɔnwu dɔketa a?—Mt 9:12
-
Ndenle boni mɔ azo a Nikki vale ɔ nwo dole Gyihova anwo zo kpondɛle moalɛ a?
