October 7-13
EDWƐNE 92-95
Edwɛne 84 Nee Asɔneyɛlɛ | Mukenye Edwɛkɛ (Mit. 1)
1. Debie Kpalɛ Mɔɔ Tɛla Biala Mɔɔ Yɛbahola Yɛayɛ La A Le Kɛ Yɛbazonle Gyihova!
(Mit. 10)
Ɔfɛta kɛ yɛsonle Gyihova (Ed 92:1, 4; w18.04 26 ¶5)
Ɔboa yɛ ɔmaa yɛsi kpɔkɛ mɔɔ bamaa yɛ nye alie (Ed 92:5; w18.11 20 ¶8)
Ɔbu ye azonvolɛ mɔɔ bɛyɛ mgbanyinli bɔbɔ la kɛ bɛsonle bolɛ kpalɛ (Ed 92:12-15; w20.01 19 ¶18)
BIZA Ɛ NWO KƐ, ‘Duzu a si me adenle kɛ mebayila me nwo zo meamaa bɛazɔne me a?’
2. Kpondɛ Baebolo Nu Ndelebɛbo
(Mit. 10)
-
Ed 92:5—Kɛzi ngyɛnu ɛhye mɔ maa yɛnwu kɛ Gyihova nrɛlɛbɛ le kpole ɛ? (mwbr24.09 7 ¶5)
-
Baebolo nu ndelebɛbo boni a ɛnyianle ye wɔ dapɛne ɛhye Baebolo ɛgengalɛ ne anu mɔɔ ɛkulo kɛ ɛka nwolɛ edwɛkɛ a?
3. Baebolo Ɛgengalɛ
(Mit. 4) Ed 94:1-23 (th ɛzukoalɛdeɛ 5)
4. Bɔ Adawubɔlɛ Bo
(Mit. 4) MEKƐ MƆƆ ƐNLE DASELƐLILƐ NU. Ɛ nee ahenle ɛli adwelie na dua nrɛlɛbɛ adenle zo ka gyima mɔɔ ɛyɛ kɛ Baebolo kilehilevolɛ la anwo edwɛkɛ kile ye. (lmd ɛzukoalɛdeɛ 5 nɔma 3)
5. Sia Kɔkpɔla
(Mit. 3) MEKƐ MƆƆ ƐNLE DASELƐLILƐ NU. Ka Baebolo ɛzukoalɛ nwo edwɛkɛ kile awie mɔɔ ɔkpole kɛ ɔbazukoa Baebolo ne mekɛ bie la. (lmd ɛzukoalɛdeɛ 8 nɔma 4)
6. Maa Bɛyɛ Ɛdoavolɛma
(Mit. 5) Ɛ nee Baebolo sukoavo mɔɔ ɔnnyia anyuhɔlɛ la ɛli adwelie anzɛɛ ɛzuzu ninyɛne nwo. (lmd ɛzukoalɛdeɛ 12 nɔma 5)
Edwɛne 5
7. Saa Adwenleadwenle Tɔ Ngakula Nwo A
(Mit. 15) Adawubɔlɛ.
Adwenleadwenle kola tɔ menli mɔɔ sonle Gyihova la anwo. Kɛ neazo la, wɔ Devidi ɛbɛlabɔlɛ nu, ɛnee ɔwɔ kɛ ɔgyinla adwenleadwenle nloa wɔ mekɛ ngakyile nu. Zɔhane ala a ɔde wɔ yɛ mediema dɔɔnwo afoa nu ɛnɛ a. (Ed 13:2; 139:23) Ɔyɛ alɔbɔlɛ kɛ adwenleadwenle tɔ ngakula noko anwo la. Ɔdwu mekɛ ne bie a, ɔlua adwenleadwenle ti, ninyɛne mɔɔ bɛ nye die ye ɛyɛlɛ nwo le kɛ sukulu nee debiezukoalɛ ɛhɔlɛ kola yɛ se maa bɛ. Ɔkola ɔmaa bɛ kunlu tete bɛ, ɛzulolɛ kpole ka bɛ anzɛɛ ɔmaa bie mɔ bɔbɔ nyia adwenle kɛ ɔwɔ kɛ bɛku bɛ nwo.
Ngakula, saa adwenleadwenle tɔ bɛ nwo a, bɛbɔ mɔdenle kɛ bɛ nee bɛ awovolɛ anzɛɛ awie mɔɔ yenyi sunsum nu la badendɛ. Eza yɛ asɔne sɛlɛ Gyihova kɛ ɔboa wɔ. (Fe 4:6) Gyihova baboa wɔ. (Ed 94:17-19; Ay 41:10) Suzu Steing neazo ne anwo.
Ye VIDIO ne Gyihova Nleanle Me. Akee biza tievolɛma kɛ:
• Ngɛlɛlera boni a boale Steing kpalɛ a, na duzu ati ɔ?
• Kɛzi Gyihova nleanle ye ɛ?
Awovolɛ, saa adwenleadwenle tɔ bɛ mra nwo a, anrɛɛ bɛnyia abotane bɛdie bɛ edwɛkɛ, bɛha bɛhile bɛ kɛ bɛkulo bɛ edwɛkɛ na bɛboa bɛ bɛmaa bɛnyia anwodozo kɛ Gyihova kulo bɛ kpalɛ. (Ta 2:4; Gye 1:19) Bɛva bɛ nwo bɛdo Gyihova anwo zo na bɛzɛlɛ ye moalɛ amaa bɛanyia arɛlekyekyelɛ nee anwosesebɛ mɔɔ bɛhyia nwo la bɛava bɛaboa bɛ mra ne mɔ.
Bie a yɛnrɛnwu mekɛ mɔɔ adwenleadwenle kpole bie kɛdɔ adiema bie anwo la anzɛɛ yɛnrɛde bɛ edwɛkɛ bo. Noko akee, saa yɛmaa awie biala mɔɔ ɔwɔ asafo ne anu la te nganeɛ kɛ ɔ nwo hyia na yɛda ɛlɔlɛ ali yɛkile bɛ a yɛbaboa bɛ kpalɛ.—Mrɛ 12:25; Hi 10:24.
8. Asafo Baebolo Ɛzukoalɛ
(Mit. 30) bt tile 16 ¶6-9, ɛlɛka mɔɔ wɔ m. 132
