Agyalɛma bie mɔɔ kenga ɛbɛlabɔlɛ nu edwɛkɛ ko nwonlomɔ biala la hanle kɛ: “Edwɛkɛ ɛhye mɔ maa yɛ nye die na ɔmaa yɛ anwosesebɛ! Bɛkakye yɛ kɛ yɛdayɛ noko yɛbahola yɛali nɔhalɛ wɔ tɛnlabelɛ kɔsɔɔti anu.” Adiema raalɛ bie noko hɛlɛle kɛ: “Edwɛkɛ ɛhye mɔ kyekye yɛ rɛle, bɛka ahonle yɛɛ bɛmaa anwosesebɛ. Ɔmaa yɛnwu kɛ bodane mɔɔ nrɛlɛbɛ wɔ nu la gyigyi yɛ mediema ne mɔ anye zo. Bɛ edwɛkɛ ne mɔ ka me ɔmaa meyɛ dɔɔnwo wɔ ɛzonlenlɛ gyima ne anu na meboa me mra ne mɔ memaa bɛfa bɛ nwo bɛwula dahuu ɛzonlenlɛ gyima mɔɔ bɛyɛ bɛamaa Gyihova la anu.”

Ɛbɛlabɔlɛ nu edwɛkɛ ne mɔ bahola aboa wɔ yeamaa wɔayɛ dɔɔnwo wɔ Gyihova ɛzonlenlɛ nu, wɔali wɔ bɛtɛɛyɛlɛ zo na wɔava anyelielɛ wɔagyinla sɔnea mɔɔ anu yɛ se kpalɛ la anloa. Kɛ ɔkɛyɛ na wɔanwu edwɛkɛ ɛhye mɔ ɛ?

• Kpondɛ edwɛkɛ mɔɔ ba toɔdoa zo mɔɔ ɔti ne se “Life Stories of Jehovah’s Witnesses” la wɔ jw.org anzɛɛ JW Library® azo.

• Kpondɛ “Life Stories of Jehovah’s Witnesses” wɔ Watchtower ONLINE LIBRARY^™ anzɛɛ Watchtower Library ne anu.