Yɛ nee awie mɔ bɔ nu sonle Gyihova wɔ debiezukoalɛ nee nyianu bo ɛdeɛ, noko eza yɛdayɛ mumua ne anzɛɛ yɛ nee yɛ abusua ne bɔ nu sonle Gyihova. Ninyɛne mɔɔ bɛbahola bɛava bɛayɛ bɛ ti anwo debiezukoalɛ nee abusua ɛzonlenlɛ la bie mɔ ɛne:

• Bɛziezie bɛ nwo bɛmaa asafo debiezukoalɛ ne mɔ. Eza bɛbahola bɛazukoa edwɛne ne mɔ na bɛaboa abusua ne anu amra amuala bɛamaa bɛaziezie mualɛ mɔɔ bɛbamaa la.

• Bɛgenga Baebolo ne anu edwɛkɛ bie. Bɛwie a, bɛdolɔ edwɛkɛ ne mɔɔ bɛgengale la anwo nvoninli anzɛɛ bɛhɛlɛ debie mɔɔ bɛzukoale bɛvile nu la bɛdo ɛkɛ.

• Bɛgenga asɔneyɛlɛ bie mɔɔ wɔ Baebolo ne anu la na bɛzuzu kɛzi ɔbahola yeaboa bɛ yeamaa bɛanyia anyuhɔlɛ wɔ bɛ asɔneyɛlɛ nu la anwo.

• Bɛnlea vidio bie wɔ jw.org na bɛ nee awie mɔ ɛzuzu nwo anzɛɛ bɛhɛlɛ mɔɔ bɛ nye liele nwolɛ wɔ vidio ne anu la.

• Bɛziezie bɛ nwo bɛmaa daselɛlilɛ, bie a bɛbahola bɛayɛ nwolɛ yɛkile.

• Bɛnleɛnlea abɔdeɛ na bɛdwenledwenle nwolɛ anzɛɛ bɛzuzu mɔɔ ɔmaa bɛnwu ye wɔ Gyihova anwo la anwo. a