Mekɛ ekyii bie a yɛ muala yɛnyia yɛyɛ yɛtianwo debiezukoalɛ a. Kɛzi yɛbava mekɛ ekyii zɔhane yɛali gyima kpalɛ ɛ? Mɔɔ limoa, tɔ ɛ rɛle aze. Saa yɛnyia mekɛ yɛsukoa debie ekyi bɔbɔ na yɛsukoa ye kpalɛ a, ɔbaboa yɛ yeadɛla kɛ yɛbava yɛ nye yɛava edwɛkɛ dɔɔnwo anu la.

Ɔti, fa bodane siezie ɛ nye zo. (Ɛfɛ. 5:15, 16) Sɔ ɛhye mɔ nea:

• Kenga Baebolo ne kenle ko biala. (Edw. 1:2) Ɛbahola wɔava yɛ dapɛne avinli debiezukoalɛ Baebolo ɛgengalɛ ngyehyɛleɛ ne wɔabɔ ɔ bo.

• Siezie ɛ nwo maa Ɛzinzalɛ Arane nee dapɛne avinli debiezukoalɛ ne mɔ. Bɔ mɔdenle maa mualɛ.​—Edw. 22:22.

• Saa ɛnyia mekɛ a, bɔ mɔdenle kɛ ɛbagenga maanlema Ɛzinzalɛ Arane ne, Awake!, wɔanlea vidio nee ninyɛne ngakyile mɔɔ wɔ jw.org la.

• Sukoa debie mɔɔ ɛ nye die nwo la. Ɛbahola wɔayɛ ngyegyelɛ bie mɔɔ ɛlɛyia, kpuya bie mɔɔ ɛlɛ anzɛɛ Baebolo nu edwɛkɛ bie mɔɔ ɛkulo kɛ ɛte ɔ bo kpalɛ la anwo neɛnleanu. Nea “Baebolo Ɛzukoalɛ Nwo Gyimayɛlɛ” foa ne wɔ jw.org na ɛbanyia nwolɛ nzuzulɛ.