Subane Mɔɔ Sonle Bolɛ Tɛla Daemɔn
Dɛbadɛba ne amuala, daemɔn le debie mɔɔ ye bolɛ yɛ se kpalɛ. Bie mɔ bo dɔla mgbe dɔɔnwo. Wɔ Nyamenle anye zo, asoo ninyɛne bie mɔ wɔ ɛkɛ mɔɔ sonle bolɛ tɛla daemɔn nee ezukoa awolɛ gyɛne ɔ?
Haykanush, nolobɔlɛnli bie mɔɔ bɛtɛsɔnenle ye mɔɔ ɔde Armenia la nwunle pasepɔto bie wɔ ye sua ne anwo. Kaade mɔɔ bɛfa bɛye ezukoa nee ezukoa dɔɔnwo a wɔ pasepɔto ne anu a. Ɔvale ɔhilele ɔ hu mɔɔ ɔdaye noko ɔle nolobɔlɛnli mɔɔ bɛtɛsɔnenle ye la.
Ɛnee agyalɛma ɛhye ɛnlɛ ezukoa fee yɛɛ bɛtua kakɛ; noko bɛzile kpɔkɛ kɛ bɛfa ezukoa ne bɛahɔmaa ɔ menle. Mɔɔ pasepɔto ne amenle nwunle bɛ la, ɔzinle ɔ nee ye abusua ne anwo. Haykanush nee ɔ hu hilehilele nuhua kɛ bɛdi nɔhalɛ ɔlua Baebolo ne mɔɔ bɛsukoa la ati. Bɛdele nganeɛ kɛ ɔwɔ kɛ bɛdi nɔhalɛ, na bɛvale nwolɛ adenle ɛhye bɛhanle Gyihova Alasevolɛ anwo edwɛkɛ bɛhilele ɔ nee ye abusua ne na bɛmaanle bɛ mbuluku.
Ɛnee abusua ne kulo kɛ bɛkyɛ Haykanush ezukoa ne bie wɔ mɔɔ ɔyɛle la anwo, noko yeanlie. Aleɛ hyenle la, nrenyia ne aye ne hɔle Haykanush nee ɔ hu ɛkɛ na ɔhanle ɔtinlinle zolɛ kɛ bɛ nye sɔ mɔɔ bɛyɛ la yemɔti bɛlie daemɔn ngɛba.
Nɔhalɛ mɔɔ Haykanush nee ɔ hu lile la bazi menli dɔɔnwo anwo kɛ mɔɔ ɔzinle zɔhane abusua ne noko anwo la. Noko asoo ɔbazi Gyihova anwo? Kɛzi ɔbabu bɛ nɔhalɛlilɛ ne ɛ? Asoo nɔhalɛ mɔɔ bɛlile la fɛta?
SUBANE MƆƆ SONLE BOLƐ TƐLA NWONANE AFOA NU NINYƐNE
Kpuya zɔhane mɔ anwo mualɛ ne ɛnyɛ se. Yemɔ a le kɛ, Nyamenle azonvolɛ die di kɛ Gyihova subane ne mɔ mɔɔ bɛda ye ali la sonle bolɛ kpalɛ wɔ ɔ nye zo tɛla daemɔn, ezukoa nvutuke, anzɛɛ nwonane afoa nu debie gyɛne biala. Nɔhalɛ nu, kɛzi Gyihova bu ninyɛne mɔɔ sonle bolɛ nee mɔɔ ɛnzonle bolɛ la le ngakyile fi kɛzi menli dɔɔnwo bu bɛ la anwo. (Aye. 55:8, 9) Wɔ ye azonvolɛ afoa nu noko, Gyihova subane ne mɔɔ bɛda ye ali kpalɛ le debie mɔɔ tɛla biala.
Yɛnwu ɛhye wɔ mɔɔ Baebolo ne ka fale ndelebɛbo nee nrɛlɛbɛ nwo la anu. Mrɛlɛbulɛ 3:13-15 ka kɛ: “Nyilalɛ ɛha sonla ne mɔɔ kɛnwu nrɛlɛbɛ na ɔkɛnyia ndelebɛbo la, ɔluakɛ mɔɔ ɔbanyia ye nu la tɛla dwɛtɛ fufule yɛɛ nvasoɛ mɔɔ ɔbanyia la tɛla ezukoa nvutuke. Nrɛlɛbɛ sonle bolɛ tɛla anwoneɛ yɛɛ debie biala mɔɔ sonla nye die nwolɛ la nee ye ɛnzɛ.” Ɔda ali wienyi kɛ, Gyihova bu subane ɛhye mɔ kɛ bɛsonle bolɛ bɛtɛla agudeɛ biala.
Na nɔhalɛlilɛ noko ɛ?
Gyihova mumua ne di nɔhalɛ, “ɔmbɔ adalɛ.” (Tae. 1:2) Ye sunsum ne maanle ɛzoanvolɛ Pɔɔlo hɛlɛle ɛvoya mɔɔ limoa Hibulu Kilisienema ne kɛ: “Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.”—Hib. 13:18.
Gyisɛse Kelaese yɛle nɔhalɛlilɛ nwo neazo kɛnlɛma. Kɛ neazo la, mɔɔ ɛsɔfo kpanyinli Kayafase zele ye kɛ: “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne” la, Gyisɛse hanle kɛ ɔdaye a ɔle Mɛzaya ne a, ɔnva nwo kɛ nɔhalɛ mɔɔ ɔbaha la bahola amaa bɛaha kɛ yebɔ munzule na bɛalua zo bɛahu ye la.—Mat. 26:63-67.
Na yɛdayɛ noko ɛ? Asoo yɛbahakyi yɛ nloa anzɛɛ yɛbabɔ adalɛ ekyi bie bɔbɔ ɔlua nwonane afoa nu ninyɛne bie mɔ ati ɔ?
NINYƐNE MƆƆ MAA ƆYƐ SE KƐ YƐBALI NƆHALƐ LA
Nɔhalɛ nu, ɔyɛ se kɛ yɛbali nɔhalɛ wɔ awieleɛ mekɛ ɛhye mɔɔ menli le “angomedi 2 Tem. 3:2) Ezukoa nee gyima mɔɔ anwo ɛyɛ se la ɛmaa nɔhalɛlilɛ nwo ɛra edwɛkɛ. Menli dɔɔnwo te nganeɛ kɛ anwongyelelɛ ti bɛkola bɛwua anzɛɛ bɛbɔ adalɛ wɔ ninyɛne bie mɔ anu. Adwenle ɛhye ɛdɛlɛ, ɔti saa ɔwɔ kɛ menli dɔɔnwo bɔ adalɛ na bɛanyia nwonane afoa nu ninyɛne bie mɔ a, ɔnvale bɛ nwo. Kilisienema bie mɔ bɔbɔ ɛzi kpɔkɛ ɛtane wɔ ɛhye anwo ɔlua “ezukoa nwo anyebolo” ti, na yemaa bɛzɛkye gyinlabelɛ kpalɛ mɔɔ bɛlɛ wɔ asafo ne anu la.—1 Tem. 3:8; Tae. 1:7
nee ezukoa nwo anyebolo” la anu. (Noko Kilisienema dɔɔnwo sukoa Gyisɛse. Bɛbu subane kpalɛ mɔɔ bɛbala ye ali la kɛ nwolɛ hyia tɛla anwonyia biala. Ɛhye ati, Kilisiene ngakula mɔɔ bɛkɔ sukulu la ɛndu apɔ amaa bɛapase. (Mrɛ. 20:23) Nɔhalɛ nu, tɛ mekɛ ne amuala a ɛdi nɔhalɛ a bɛbahyɛ wɔ debie kɛmɔ bɛhyɛle Haykanush debie la. Noko, Nyamenle anye die nɔhalɛlilɛ nwo, ɔmaa yɛnyia adwenle mɔɔ anu te mɔɔ anwo hyia la.
Gagik neazo ne maa yɛte ɛhye abo. Ɔse: “Kolaa na meayɛ Kilisienenli la, ɛnee meyɛ gyima wɔ kɔmpɛlɛ kpole bie mɔɔ gyimamenle ne bɔ adalɛ amaa yeandua adwule la anu. Kɛmɔ medame a menea gyima ne azo la ati, ɛnee ɔwɔ kɛ ‘mewula adwuledievolɛ kpanyinli ne asa abo’ amaa yeabu ɔ nye yeagua mɔɔ kɔmpɛlɛ ne ɛlɛyɛ la azo. Ɛhye ati, bɛnwunle me kɛ menli nɔhalɛ. Mɔɔ menzukoale nɔhalɛ ne la, menzile kpɔkɛ kɛ megyakyi gyima ne, ɔnva nwo kɛ ɛnee bɛtua me kakɛ kpalɛ la. Akee medame mumua ne membukele me gyima. Mɔlebɛbo ne ala, menvale me gyima ne menwulale arane ngɛlata nu, na menduale adwule biala.”—2 Kɔl. 8:21.
Gagik se: “Ezukoa mɔɔ ɛnee menyia la azo dele kpalɛ, yemɔti ɛnee ɔyɛ se kɛ mebanlea me abusua ne. Noko kɛkala, me nye die. Melɛ adwenle mɔɔ anu te la wɔ Gyihova anyunlu. Melɛyɛ neazo kpalɛ meamaa me mra mrenyia nwiɔ ne, yɛɛ menyia nwolɛ adenle wɔ asafo ne anu. Kɛkala, adwuledievolɛma nee menli mɔɔ me nee bɛ di gua la ze me kɛ medi nɔhalɛ.”
GYIHOVA A LE YƐ BOAVOLƐ A
Gyihova kulo menli mɔɔ bɛdie ye ngilehilelɛ ne bɛto nu na bɛda ye subane ngakyile mɔɔ nɔhalɛlilɛ boka nwo ali la. (Tae. 2:10) Ɔmaanle Belemgbunli Devidi hɛlɛle kɛ: “Ɛnee mele kakula, na kɛkala meyɛ kpanyinli; na metɛnwunle kɛ bɛkpo tenlenenli ɛlɛ; yɛɛ metɛnwunle kɛ ɔ mra ɛlɛsɛlɛzɛlɛ aleɛ ali.”—Edw. 37:25.
Nɔhavo Wulutu anwubielɛ ne maa yɛnwu ɛhye. Yeangyakyi ye ase Nawome mɔɔ ɛyɛ ɛrelera la, ɔ nee ye dɛnlanle. Wulutu dule hɔle Yizilayɛ amaa yeahola yeazonle nɔhalɛ Nyamenle ne. (Wut. 1:16, 17) Mɔɔ Wulutu wɔ Yizilayɛ la, ɔlale ye ali kɛ ɔdi nɔhalɛ yɛɛ ɔ nwo yɛ se, ɔyɛle gyima ɛsesebɛ ɔsesale ma kɛ mɔɔ bɛhyehyɛ ye wɔ Mɛla ne anu la. Kɛ mɔɔ nzinlii Devidi nwunle ye la, Gyihova angyakyi Wulutu nee Nawome wɔ bɛ ngyianlɛ mekɛ nu. (Wut. 2:2-18) Mɔɔ hyia kpalɛ la, Gyihova maanle Wulutu nyianle debie mɔɔ tɛla nwonane afoa nu ninyɛne la. Ɔmaanle Belemgbunli Devidi nee Mɛzaya ne mɔɔ bɛbɔle ɔ nwo ɛwɔkɛ la rayɛle ye angabɛnzo!—Wut. 4:13-17; Mat. 1:5, 16.
Ɔyɛ a Gyihova azonvolɛ bie mɔ kɔ tɛnlabelɛ mɔɔ ɔyɛ se kɛ bɛbanyia ezukoa bɛanlea bɛ nwo la anu. Kɛ anrɛɛ bɛbalua adalɛ adenle sikalɛ bie azo bɛanyia ezukoa la, Mrɛ. 12:24; Ɛfɛ. 4:28.
bɛbɔ mɔdenle bɛyɛ gyima ɛsesebɛ. Bɛda ye ali kɛ Nyamenle subane ngɛnlɛma ne mɔ mɔɔ nɔhalɛlilɛ boka nwo la hyia bɛ tɛla anwonyia biala.—Kilisienema mɔɔ wɔ ewiade amuala la ɛhile kɛ bɛdie bɛdi kɛ Gyihova kola boa bɛ kɛ mɔɔ Wulutu liele lile la. Bɛlɛ anwodozo wɔ Ahenle mɔɔ ɛbɔ ɛwɔkɛ ɛhye wɔ ye Edwɛkɛ ne anu la anu: “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.” (Hib. 13:5) Gyihova ɛla ye ali fane dɔɔnwo kɛ ɔbahola yeaboa menli mɔɔ bɛhyia noko bɛdi nɔhalɛ la dahuu. Yeli ye ɛwɔkɛ ɛhye azo dahuu.—Mat. 6:33.
Nɔhalɛ nu, bie a alesama anye balie daemɔn nee ninyɛne gyɛne mɔɔ bɛ awolɛ yɛ se la anwo. Noko nwu ye kɛ, yɛ anwuma Selɛ ne anye die nɔhalɛlilɛ nee ye subane ngakyile ne mɔ mɔɔ yɛbala ye ali la anwo kpole kpalɛ tɛla ezukoa awolɛ biala!
Nɔhalɛlilɛ maa yɛnyia adwenle mɔɔ anu te na yɛkola yɛtendɛ wɔ daselɛlilɛ nu mɔɔ yɛnzulo