Baebolo Kpuyia Mɔɔ Bɛbua
Kɛ bɛfɛlɛ Nyamenle ɛ?
Yɛ nwo amra kɔsɔɔti lɛ bɛ aluma. Ayɛmoa bɔbɔ lɛ bɛ aluma! Asoo ndelebɛbo ɛnle nu kɛ Nyamenle lɛ duma? Wɔ Baebolo ne anu, Nyamenle lɛ amodinli dɔɔnwo, mɔɔ le kɛ Nyamenle Tumivolɛ Bedevinli, Tumivolɛ Awulae yɛɛ Bɔvolɛ, noko eza ɔlɛ ye duma.—Kenga Ayezaya 42:8, NW.
Nyamenle duma finde Baebolo dɔɔnwo anu wɔ Edwɛndolɛ 83:18. Kɛ neazo la, wɔ New World Translation of the Holy Scriptures ne anu, zɔhane ngyehyɛnu ne ka kɛ: “Ɛdawɔ, mɔɔ wɔ duma a le Gyihova la, ɛ ngomekye a ɛle Anwuma Anwumanli wɔ azɛlɛ ye kɔsɔɔti azo a.”
Kɛmɔti a ɔwɔ kɛ yɛfa Nyamenle duma yɛfɛlɛ ye ɛ?
Nyamenle kulo kɛ yɛfa ye duma yɛfɛlɛ ye. Saa yɛ nee menli mɔɔ yɛkulo bɛ edwɛkɛ, mɔɔ le kɛ yɛ gɔnwo mɔ ɛlɛtendɛ a, yɛfa bɛ aluma yɛfɛlɛ bɛ—titile saa bɛkulo kɛ yɛfa yɛfɛlɛ bɛ a. Saa yɛ nee Nyamenle ɛlɛtendɛ a asoo ɔwɔ kɛ ɔyɛ ngakyile ɔ? Bieko, Gyisɛse hanle kɛ yɛva Nyamenle duma yɛvɛlɛ ye.—Kenga Mateyu 6:9.
Noko akee, saa yɛbayɛ Nyamenle agɔnwo a, ɔwɔ kɛ yɛnwu ɔ nwo ninyɛne dɔɔnwo yɛtɛla ye duma ala. Kɛ neazo la, kɛzi Nyamenle de ɛ? Asoo yɛbahola yɛabikye Nyamenle amgba? Ɛbahola wɔanwu zɔhane kpuyia ne mɔ mualɛ wɔ Baebolo ne anu.
Bie A Eza Ɛ Nye Balie
BAEBOLO KPUYA MƆƆ BƐBUA
Aluma Nyɛ A Nyamenle Lɛ A?
Menli dɔɔnwo dwenle kɛ ‘Allah,’ ‘Alefa nee Omiga,’ ‘El Shaddai,’ yɛɛ ‘Gyihova-Gyilɛ’ boka Nyamenle duma ne anwo. Asoo duma mɔɔ yɛfa yɛfɛlɛ Nyamenle la anwo hyia?
BAEBOLO KPUYA MƆƆ BƐBUA
Asoo Nyamenle Duma A Le Gyisɛse?
Gyisɛse anga ye ɛlɛ kɛ ɔle Nyamenle Tumivolɛ Bedevinli. Duzu ati ɔ?
