Baebolo Kpuyia Mɔɔ Bɛbua
Bodane boni ati a Kelaese bazia ara a?
Kolaa na Gyisɛse Kelaese ahɔ anwuma wɔ 33 Y.M. la, ɔbɔle ɛwɔkɛ kɛ ɔbazia yeara. Ɔvale ɔ nwo ɔdole dehelɛ bie mɔɔ dule adenle hɔle moa moa ɔmanle bɛziele ye belemgbunli na ɔziale ɔrale la anwo. Bodane mɔɔ ɔti Gyisɛse bazia ara la a le kɛ ɔmaa alesama anyia arane kpalɛ.—Kenga Luku 19:11, 12.
Gyisɛse bamaa alesama anyia arane kpalɛ
Sonlabaka boni a Kelaese bava ara a? Bɛdwazole ye kɛ sunsum nu sonla mɔɔ ɛnyelɛ ɛnnwu ye la. (1 Pita 3:18) Akee, ɔhɔle anwuma na ɔdɛnlanle Nyamenle asa fema zo. (Edwɛndolɛ 110:1) Nzinlii, bɛvale Gyisɛse bɛhɔle Gyihova Nyamenle, “Tetenli ne” anyunlu, na ɔmanle Gyisɛse ebialilɛ tumi kɛ ɔli alesama anwo zo tumi. Yemɔti Gyisɛse ɛnrɛra kɛ dasanli, emomu, ɔbazia yeara kɛ Belemgbunli mɔɔ ɛnyelɛ ɛnnwu ye la.—Kenga Daneɛle 7:13, 14.
Saa Gyisɛse ba a, duzu a ɔbayɛ a?
Saa Gyisɛse nee ye anwumabɔvolɛma ne ba mɔɔ ɛnyelɛ ɛnnwu ye la a, ɔbabua alesama ndɛne. Ɔbazɛkye ɛtanevolɛma na yeamaa menli mɔɔ die ye to nu kɛ Belemgbunli la anyia dahuu ngoane.—Kenga Mateyu 25:31-33, 46.
Gyisɛse di tumi kɛ Belemgbunli a ɔbahakyi azɛlɛ ye yeayɛ ye paladaese. Ɔbadwazo mɔwuamra amaa bɛadɛnla azɛlɛ ye azo Paladaese nu.—Kenga Edwɛndolɛ 37:29; Dwɔn 11:35.
Bie A Eza Ɛ Nye Balie
BAEBOLO KPUYA MƆƆ BƐBUA
Nyamenle Belemgbunlililɛ Ne A Le Duzu?
Suzu deɛmɔti Nyamenle arane ne le kpalɛ tɛla arane biala la anwo.
ƐZINZALƐ ARANE
Duzu A Bazi Wɔ Ndɛnebualɛ Kenle Ne A?
Asolo mɔɔ menli dɔɔnwo die di wɔ Ndɛnebualɛ Kenle ne anwo la. Asoo ɛle debie mɔɔ ɔwɔ kɛ yɛsulo ye a? Duzu a ɔbali nwolɛ gyima a?
