Asoo Ɛze?
Duzu a ɛnee bɛfa bɛyɛ ahanra wɔ Wulomu maanle ne anu a?
Wulomu kanranli fa to ɔ kɔme
Wɔ Wulomu Maanle ne anu, ɛnee menli dɔɔnwo yɛ ahanra ɔluakɛ sogyama ɛli bɛ nwo zo konim anzɛɛ bɛwua bɛ. Ɛnee bɛtɔne menli mɔɔ bɛkɛhye bɛ la na bɛmba sua nu anzɛɛ bɛnnwu bɛ mbusua bieko.
Ɛnee ahanra dɔɔnwo yɛ gyima wɔ manyese ne mɔ anu toonwo bɛwu, noko ɛnee menli mɔɔ yɛ gyima wɔ ɛbɔ nu nee sua nu la ɛdeɛ le kpalɛ. Ɛnee bɛyɛ ye kyengye bɛmaa kanranli fa bulalɛ mɔɔ bɛhɛlɛ zolɛ anzɛɛ debie gyɛne mɔɔ kile kɛ ɔnriandi na awie kye ye kɔmaa ɔ menle a bɛbadua ye kakɛ la to ɔ kɔme. Menli mɔɔ ɛnee bɛta bɛbɔ mɔdenle kɛ bɛbanriadi la, bɛta bɛkɛlɛ ngɛlɛlerakpɔkɛ F mɔɔ kile fugitivus (nriandivolɛ) la wɔ bɛ nwoma azo.
Faelimɔn Baebolo buluku ne ka ɛzoanvolɛ Pɔɔlo mɔɔ manle Onɛsemɛse mɔɔ nriandile, ziale hɔle ɔ menle Faelimɔn ɛkɛ la anwo edwɛkɛ. Ɛnee Faelimɔn kola dua mɛla adenle zo twe Onɛsemɛse anzo kpole ɛdeɛ, noko Pɔɔlo hanle hilele Faelimɔn kɛ ɔlua ɛlɔlɛ nee agɔnwolɛvalɛ zo ‘ɔlie ye kɛnlɛma.’
Duzu ati a tete Fonehyea liele duma wɔ ye ayile buluwu nee kɔkɔlɛ ne anwo a?
Fonehyea mɔɔ bie a ɔbayɛ kɛ ɛnɛ mekɛ ye azo Lebanon la, liele duma wɔ ye ayile buluwu nee kɔkɔlɛ ne mɔɔ bɛyɛ ye wɔ Taya, na bɛvale bɛdonle Taya suakpole ne la anwo. Belemgbunli Sɔlɔmɔn mɔɔ wɔ tete Yizilayɛ la manle bɛvale ‘ndanlɛ buluwu nee fufule’ mɔɔ dwinvolɛ mɔɔ vi Taya yɛle la bɛzieziele ye ɛzonlenlɛ sua ne anu.
Taya ayile buluwu nee kɔkɔlɛ ne a ɛnee sonle bolɛ kpalɛ wɔ zɔhane mekɛ ne a, ɔluakɛ ɛnee ɔhyia gyima dɔɔnwo na bɛahola bɛayɛ. Mɔɔ lumua la, ɛnee menli mɔɔ yɛ la fa nyevile nu ɛnlonkoɛ * dɔɔnwo. Ɛnee bɛfa dodo kɛyɛ 12,000 bɛyɛ ayile mɔɔ baza ɛdanlɛ kokye la. Akee, bɛyeye nyevile nu ɛnlonkoɛ ɛhye bɛfi bɛ abonle ne anu amaa bɛ sa aha bɛ nloa nzule ne. Menli mɔɔ yɛ ayile ne la fa ngyenle boka nwo fɔtɔ na bɛrɛlɛ bɛmaa anwoma nee ewia bɔ zo kenle nsa. Bɛwie a bɛfa bɛgua debie nu na bɛfa nyevile bɛto ye ekyii wɔ kenle dɔɔnwo anu.
Wɔ ɛvolɛ dɔɔnwo anu, ɔlua gualilɛ nee maanle mɔɔ bɛhonle bɛvale la azo, Fonehyeama manle bɛ Taya ayile gualilɛ ne hɔle zo yɛɛ ɛnee bɛ ngomekye ala a bɛyɛ a. Bɛnwu bɛ ayile ne anwo ngakyedeɛ wɔ Mɛdetɛlenia Nyevile ne anwo yɛɛ moamoa le kɛ Cádiz, mɔɔ wɔ Spain la.
^ ɛden. 8 Bɛ abonle ne mɔ ndendenle le enkyi nwiɔ kɔdwu nsa.
Bie A Eza Ɛ Nye Balie
ƐZINZALƐ ARANE—DEBIEZUKOALƐ ƐDEƐ
Asoo Ɛze?—February 2022
Wɔ tete Yizilayɛ, duzu ati a ɛnee bɛtua bɛ ti asoa a?
ƐZINZALƐ ARANE—DEBIEZUKOALƐ ƐDEƐ
Asoo Ɛze?—February 2022
Duzu ati a ɔle kpalɛ kɛ Gyihova maanle Yizilayɛma vale abubule nee mɔlɔnoma bɔle afɔle a?
ƐZINZALƐ ARANE—DEBIEZUKOALƐ ƐDEƐ
Asoo Ɛze?—March 2020
Ɛye Baebolo ne ɛsie ahane a, daselɛ boni bieko a kile kɛ ɛnee Yizilayɛma le ngɛkɛlɛ wɔ Yigyibiti a?
ƐZINZALƐ ARANE—DEBIEZUKOALƐ ƐDEƐ
Asoo Ɛze?—November 2019
Duzu gyima a ɛnee azonvolɛ yɛ ye wɔ tete ne a?
ƐZINZALƐ ARANE—DEBIEZUKOALƐ ƐDEƐ
Asoo Ɛze?—April 2019
IKɛzi ɛnee bɛyɛ meli adendulɛ nwo ngyehyɛleɛ wɔ tete ne ɛ?
