ƐZUKOALƐDEƐ 6
Kilehile Ngɛlɛlera Ne Anu Boɛ
Dwɔn 10:33-36
MƆƆ ƆHYIA KƐ ƐYƐ: Saa ɛkenga ngɛlɛlera bie a mmagyakyi ye zɔhane ala na ɛka edwɛkɛ fofolɛ. Maa wɔ tievolɛma ne ɛnwu kɛzi ngɛlɛlera ne mɔɔ wɔgenga la fale wɔ edwɛkɛ ne anwo la.
KƐZI ƐBAYƐ YE LA:
-
Maa edwɛkɛ agbɔkɛ titili ne mɔ ɛla ali. Ɛkenga ngɛlɛlera bie ɛwie a, twe adwenle kɔ nuhua edwɛkɛ mɔɔ fale wɔ edwɛkɛ ne anwo la azo titili. Ɛbahola wɔazia wɔagenga anzɛɛ wɔabiza kpuya mɔɔ bamaa tievolɛma ne anwu edwɛkɛ titili ne mɔ la.
-
Si edwɛkɛ titili ne azo. Kolaa na wɔagenga ngɛlɛlera bie la, saa ɛmaanle bɛnwunle deɛmɔti ɛlɛkenga la a, ɛwie a kilehile kɛzi edwɛkɛ titili mɔɔ wɔ nu la nee wɔ mukenye ne kɔ la anu.
-
Maa ɛzukoalɛdeɛ mɔɔ wɔ nu la anu ɛla ɛkɛ. Mmaka ninyɛne mɔɔ ɔnvale wɔ edwɛkɛ titili ne anwo la anwo edwɛkɛ. Gyinla mɔɔ wɔ tievolɛma ze ye wɔ edwɛkɛtile ne anwo la azo si edwɛkɛ mɔɔ ɔhyia kɛ ɛkilehile nu amaa bɛade ɔ bo la anwo kpɔkɛ.
