Ahyɛlɛdeɛ kpalɛ boni a ɛbahola wɔava wɔamaa ɛ mra a? Bɛhyia ninyɛne dɔɔnwo, mɔɔ bie a le wɔ ɛlɔlɛ, adehilelɛ nee anwobanebɔlɛ. Mɔɔ tɛla biala la, ahyɛlɛdeɛ mɔɔ sonle bolɛ kpalɛ mɔɔ ɛbahola wɔava wɔamaa bɛ la a le Gyihova anwo nrɛlɛbɛ nee nɔhalɛ ne mɔɔ wɔ ye Edwɛkɛ, Baebolo ne anu la. (Dwɔn 17:3) Nrɛlɛbɛ ɛhye baboa ɛ mra ne mɔ yeamaa bɛahulo Gyihova wɔ mekɛ mɔɔ bɛlɛnyi la na bɛavi ahonle nu bɛazonle ye wɔ bɛ ngakula nu bɔbɔ.—Mateyu 21:16.

Awovolɛ dɔɔnwo ɛnwu kɛ saa bɛka edwɛkɛ sikalɛ na bɛfa ninyɛne sikalɛ bɛkile bɛ mra ngakula debie a, bɛte ɔ bo kpalɛ. Ɛhye ati, yɛ nye die kɛ yɛyɛ buluku ɛhye mɔɔ se Me Baebolo Ɛzukoalɛdeɛ la. Bɛyɛ ye mɔɔ ɛzukoalɛdeɛ ko biala bahilehile edwɛkɛ nu wɔ adenle sikalɛ zo. Bɛyɛ nvoninli nee ngɛlɛlera mɔɔ wɔ nu la bɛmaa ngakula mɔɔ ɛnyia ɛvolɛ nsa nee bɛdabɛ mɔɔ bɛndwu la titile. Gyimayɛlɛ mɔɔ bɛbava bɛaboa bɛ la boka nwo. Me Baebolo Ɛzukoalɛdeɛ ɛnle nwɔhoalilɛ buluku. Emomu, bɛyɛ ye kɛ ɛ nee ɛ mra ne mɔ ɛgenga, ɛhye baboa adawubɔlɛ.

Yɛdie yɛdi kɛ buluku ɛhye baboa wɔ yeamaa wɔahilehile ɛ mra Baebolo nu nɔhalɛ ne ‘wɔ bɛ ngakula nu.’—2 Temɔte 3:14, 15.

Bɛ mediema,

Gyihova Alasevolɛ Neazo Eku