Duzu ati a sonla wu a?

8 Jehovah Nyamenle ɛnee kpondɛ kɛ sonla maa azɛlɛ ye azo amuala yɛ kɛnlɛma—paladaese mɔɔ menli kɔsɔɔti bɛanya nuhua anyelielɛ la.—Genesis 1:28

Saa Adam nee Eve diele Jehovah a, anrɛɛ adasama bahola adɛnla aze dahuu. Bɛhanle bɛhilele bɛ kɛ bɛmmadi kpalɛ nee ɛtane ɛnwunlɛ baka ma ne bie.—Genesis 2:15-17

9 Anwumabɔvolɛ bie rayɛle ɛtane na ɔluale ɛwɔlɛ nwo zo ɔmanle Adam nee Eve yɛle Nyamenle anwo anzosesebɛ.—Genesis 3:1-6

10 Anwumabɔvolɛ ne mɔɔ bɛlɛbɛlale Eve la bɛravɛlɛle ye ‘ɛwɔlɛ dɛba ne, Abɔnsam anzɛɛ Satan.’—Yekile12:9

 11 Jehovah voanle zɔhane anzosesebɛma nwiɔ ne vile paladaese.—Genesis 3:23, 24

12 Adam nee Eve wole mralɛ, noko abusua ne amuala annyia anyelielɛ.—Genesis 3:17, 18

13 Ɛnee ɔwɔ kɛ bɛyɛ mrelera na bɛwu, kɛmɔ Jehovah ɛnee ɛha la.—Genesis 3:19; Romema 5:12

14 Yemɔti bɛwule kɛ nane ne mɔ la.

Ɛkɛla kɔsɔɔti mɔɔ wɔ azɛlɛ ye azo la wu.—Nolobɔvo 3:18-20; Ezekiel 18:4