Ewule a le duzu?

15 Saa sonla wu a, ɔsia ɔkɔ ndɛtɛlɛ ne anu. Ɔnze debie biala bieko.—Edwɛndolɛ 146:4

Mowuamra ɛngola ɛndendɛ ɛngile wɔ, anzɛɛ bɛngola debie biala yɛ.—Nolobɔvo 9:5, 10

16 Noko anwumabɔvolɛma dɔɔnwo rayɛle ɛtane. Akee bɛyɛ bɛ nwo kɛ menli mɔɔ ɛwu la. Bɛkpondɛ kɛ yɛdie yɛdi kɛ yɛwu a ɛnee yɛtɛwule.—Genesis 6:1, 2; Jude 6

17 Yemɔti Jehovah ɛmkpondɛ kɛ yɛdie zɔhane anwumabɔvolɛ ɛtane ne mɔ, mɔɔ bɛfɛlɛ bɛ awozonle la yɛdi.—Exodus 22:18; Deuteronomy 18:10, 11; 32:17

Ɔngulo kɛ yɛye ngonyia, yɛfa yɛ nwo yɛwula ayɛne nyɛleɛ nu anzɛɛ yɛtu ayile.—Galatiama 5:19-21