Jehovah maa yɛ Dievolɛ

29 Sunsum sonla ne mɔɔ Nyamenle lumuale yɛle ye la ɛnee le kɛ belamunli ralɛ nrenya maa ye.

Nyamenle kulo ye edwɛkɛ kpole kpalɛ, na ɔbava ye yeali gyima yeazɛkye ɛtanevolɛma, na yealie menli mɔɔ yɛ tieyɛ la.—John 3:16, 36

30 Jehovah zoanle ɔ Ra ne manle bɛwole ye wɔ azɛlɛ ye azo. Bɛdonle ye duma Jesus. Ɛnee ɔ nli duma a le Mary.—Luke 1:30-35

31 Mekɛ mɔɔ Jesus nyinle la ɔhilehilele ninyɛne mgbalɛ dɔɔnwo.

Ɔhilehilele kɛ Jehovah angome kye a le nɔhalɛ Nyamenle ne a.

—Mark 12:29, 30

Jesus hanle kɛ ɔwɔ kɛ yɛsonle Jehovah angome kye.—Matthew 4:10; John 4:23, 24

Eza noko ɔhilehilele menli debie ɔvanenle Jehovah belemgbunlililɛ ne anwo.—Luke 17:20, 21

 32 Jesus yɛle menli mɔɔ ɛnde kpɔkɛ la ayile na ɔyɛle ninyɛne mgbalɛ dɔɔnwo. Yeanyɛ ninyɛne ɛtane biala.—Gyima 10:38; 1 Peter 2:21, 22

Na kɛzi ɔbalie yɛ yeavi ɛtane nee ewule nu ɛ?

33 Ɛnee ɔwɔ kɛ ɔbɔ afɔle ɔmaa Nyamenle amaa yealie menli mɔɔ le kpalɛ la. Tete ne, Nyamenle hanle hilele menli kɛ bɛva nane bɛbɔ bɛ ɛtane nwo afɔle.—Hebrewma 7:25, 27

34 Jesus anva nane ambɔ afɔle. Ɔvale ɔ nwo ɔmanle kɛ afɔle ɔmanle yɛ.—Matthew 20:28; Hebrewma 10:12

Ɛze deɛmɔti ɔ?