Nwane a bɔle wɔ a?

1 Nyamenle bɔle anwuma nee azɛlɛ ne.—Genesis 1:1

2 Nyamenle lɛ duma. Ye duma ne a le Jehovah.—Edwɛndolɛ 83:18

Jehovah de anwuma. Ɔle sunsum. Ɛnrɛhola ɛnrɛnwu ye.—Isaiah 66:1; John 1:18; 4:24

3 Jehovah Nyamenle yɛle anwumabɔvolɛma dɔɔnwo wɔ anwuma. Bɛdabɛ noko bɛle sunsum. Ɛnee bɛ muala bɛle kpalɛ. Wɔ tete ne ɔdwu mekɛ ne bie a bɛkakyi bɛ nwo kɛ sonla amaa menli anwu bɛ.—Hebrewma 1:7

 4 Jehovah yɛle nane nane ne mɔ mekɛ tendenle, kolaa na yeayɛ sonla.—Genesis 1:25

5 Jehovah eza yɛle nrenya na ɔdonle ye duma Adam yɛɛ ɔ ye na ɔdonle ye duma Eve.—Genesis 1:27

Nyamenle vale bɛ dɛnlanle tola kɛnlɛma bie anu, anzɛɛ paladaese. Ɔyɛle yelɛ ko kye a ɔmanle Adam a. Ɛnee nrenya ne nee ɔ ye ko ne ala a badɛnla a.—Genesis 2:8, 21, 22, 24

6 Sonla le ɛkɛla.—Genesis 2:7

7 Nane nane ne mɔ le ɛkɛla.—Genesis 1:24