Saa Ɛbahola Wɔadɛnla Aze Dahuu A Anrɛɛ Ɛbakpa kɛ Ɛbadɛnla Ɔ?

Nɔhalɛ nu, kɛmɔ buluku ɛhye kile ye wienyi la, ɛbahola wɔadɛnla aze dahuu wɔ Paladaese azɛlɛ zo. Atiakunlukpɔkɛ mɔɔ Nyamenle lɛ ye wɔ ɛhye anwo la bara nu amgba! Noko ɔwɔ kɛ ɛkpa kɛ ɛkɛdɛnla aze dahuu.

Kɛmɔ Kelaese Gyisɛse hilele la, Nyamenle anwo nɔhalɛ ndelebɛbo zo a ɔwɔ kɛ ɛgyinla ɛkpa a. Bɛyɛ buluku ɛhye amaa yeaboa wɔ yeamaa wɔanyia ndelebɛbo ɛhye. Eza ɛbahola wɔanyia moalɛ wɔavi Gyihova Alasevolɛ ɛkɛ. Bɛ nye balie kɛ bɛbarakpɔla wɔ wɔ mekɛ nee ɛleka mɔɔ ɛkulo la. Na saa ɛbahulo kɛ bɛ nee wɔ sukoa Baebolo ne mɔɔ ɛndua ɛhwee a, ɛnee fa ɔ bo ɛke address ne mɔɔ fɛta la kɛlɛ Jehovah’s Witnesses.