Foa ɛhye fa yɛ kɔ Kilisiene Giliki Ngɛlɛlera ne anu. Bɛwole Gyisɛse wɔ abusua bie mɔɔ bɛnlɛ bie na bɛde sua ekyi bie azo la anu. Ɔ nee ye papa mɔɔ ɔle kapentanli la a yɛle gyima a. Ɛnee Gyisɛse a balie alesama a. Gyihova kpale ye kɛ anwuma Belemgbunlililɛ ne azo Belemgbunli. Saa ɛle awovolɛ a, boa ɛ ra ne maa ɔde kɛzi Gyihova dɔle ɔ rɛle aze kpale abusua mɔɔ bɛbawo Gyisɛse wɔ nu nee ɛleka mɔɔ bɛbatete ye la abo kpalɛ. Kilehile kɛzi Gyihova bɔle Gyisɛse anwo bane na yeammaa Hɛlɔdo angu ye nee kɛzi debie biala ɛngola ɛnzi Gyihova adenle wɔ ye bodane nwo la anu. Bɛzukoa kɛzi Gyihova maanle Dwɔn zieziele adenle ne maanle Gyisɛse la. Si kɛzi Gyisɛse lale ye ali wɔ ye ngakula nu bɔbɔ kɛ ɛnee ɔkulo nrɛlɛbɛ ne mɔɔ vi Gyihova ɛkɛ la azo.