FOA 4
Yizilayɛ Belemgbunli Mɔɔ Lumua Kɔdwu Babelɔn Nlɔnu Zo
Sɔɔlo rayɛle Yizilayɛ belemgbunli mɔɔ lumua. Noko Gyihova kpole ye, na ɔkpale Devidi kɛ belemgbunli ɔziele ɔ gyakɛ anu. Yɛbazukoa Devidi anwo edwɛkɛ dɔɔnwo. Mekɛ mɔɔ ɛnee ɔle kakula la ɔ nee Golayate kakanyinli ne honle. Amozii ɔnriandile ɔvile Belemgbunli Sɔɔlo mɔɔ ɛnee ɛva ɛya la anwo. Akee Abegeli anwo fɛlɛko zile ye aze wɔ ɛtane mɔɔ anrɛɛ ɔyɛ la anwo.
Bieko, yɛbazukoa Devidi ara Sɔlɔmɔn, mɔɔ lile Devidi agya kɛ belemgbunli wɔ Yizilayɛ la anwo edwɛkɛ. Yizilayɛ arelemgbunli nsa mɔɔ lumuale la biala lile ebia ɛvolɛ 40. Wɔ Sɔlɔmɔn ewule nzi, bɛhyɛle Yizilayɛ anu bɛyɛle ye belemgbunlililɛ nwiɔ, sɔlɔ nee nyiakɛ belemgbunlililɛ.
Sɔlɔ mbusua 10 belemgbunlililɛ ne lile ɛvolɛ 257 kolaa na Aseleama azɛkye ye. Wɔ ye ɛvolɛ 133 anzi, yɛɛ bɛzɛkyele nyiakɛ mbusua nwiɔ belemgbunlililɛ ne noko a. Wɔ mekɛ ɛhye anu bɛvale Yizilayɛma bɛhɔle nlɔnu wɔ Babelɔn. Ɔti Foa NNA ne ka ɛvolɛ 510 anwo tetedwɛkɛ, mɔɔ nuhua a ninyɛne mɔɔ yɛ azibɛnwo dɔɔnwo la sisile a.
WƆ FOA ƐHYE
EDWƐKƐ 56
Sɔɔlo —Yizilayɛ Belemgbunli Mɔɔ Lumua
Nyamenle a kpale nu yele ye a noko nzinlii ɔkpole ye, yɛbahola yɛazukoa ninyɛne dɔɔnwo yɛavi Sɔɔlo ɛkɛ.
EDWƐKƐ 57
Nyamenle Kpale Nu Yele Devidi
Boni a Nyamenle nwu ye wɔ Devidi anu mɔɔ ngapezonli Samoɛle annwu ye a?
EDWƐKƐ 58
Devidi Nee Golayate
Tɛ totoabɔ angome a Devidi vale nee Golayate honle emomu ɔvale tumi bie mɔɔ bo debie biala anwo zo la.
EDWƐKƐ 59
Deɛ Mɔɔ Ɔti Ɔwɔ Kɛ Devidi Nriandi La
Sɔɔlo anye liele Devidi anwo wɔ mekɛ mɔɔ lumua mɔɔ ɔnwunle ye la, noko nzinlii ɔvale ɔ nwo ɛya na ɔkpɔle ye kpole. Kɛmɔti ɛ?
EDWƐKƐ 60
Devidi Nee Abegeli
Abegeli vɛlɛle ɔ hu koasea, noko yemɔ bɔle ɔ nwo bane wɔ mekɛ ezinra bie anu.
EDWƐKƐ 61
Bɛzie Devidi Belemgbunli
Ninyɛne mɔɔ Devidi yɛle nee mɔɔ yɛanyɛ la amuala da ye ali kɛ ɔfɛta kɛ ɔyɛ Yizilayɛ belemgbunli.
EDWƐKƐ 62
Ngyegyelɛ Wɔ Devidi Aako Nu
Nvonleɛ kokye mɔɔ ɔyɛle la vale ngyegyelɛ rale ɔ nee ye abusua ne anwo zo wɔ ɛvolɛ dɔɔnwo anu.
EDWƐKƐ 64
Sɔlɔmɔn Si Ɛzonlenlɛ Sua Ne
Ɔnva kɛ ɛnee Sɔlɔmɔn ze nrɛlɛbɛ la, bɛbɛlɛbɛla ye bɛmanle ɔyɛle ɛtane.
EDWƐKƐ 65
Bɛhyɛ Belemgbunlililɛ Ne Anu
Mɔɔ Gyɛlɔbowam ralile ebia ne ala la yɛɛ ɔmaanle menli ne bulule Nyamenle mɛla zo a.
EDWƐKƐ 67
Gyɛhɔhyafate Die Gyihova Di
Duzu ati edwɛndovoma mɔɔ ɛnlɛ konle ninyɛne la a li ɛlɔnema mɔɔ ɛlɛkɔ konle la anyunlu ɛ?
EDWƐKƐ 68
Ngakula Nwiɔ Mɔɔ Nyianle Ngoane Bieko
Asoo awie mɔɔ ɛwu la bahola ara ngoane nu bieko? Bie ɛzi ɛlɛ!
EDWƐKƐ 69
Kakula Raalɛ Bie Boale Nrenya Tumivolɛ Bie
Ɔvale akɛnrasesebɛ ɔdendɛle na mɔɔ vi rale la yɛ nwanwane.
EDWƐKƐ 71
Nyamenle Bɔ Paladaese Nwo Ɛwɔkɛ
Ɛnee alumua paladaese ne le ekyii; mɔɔ ɛlɛba la bayi azɛlɛ ye kɔsɔɔti.
EDWƐKƐ 72
Nyamenle Boale Belemgbunli Hɛzikaya
Wɔ kenle ko nɔɔzo, anwumabɔvolɛ ko hunle Aselea sogyama 185,000.
EDWƐKƐ 73
Yizilayɛma Belemgbunli Kpalɛ Mɔɔ Li Amozi
Wɔ ye ngakula nu, Dwosaya yɛle debie mɔɔ kile kɛ ɔlɛ akɛnrasesebɛ.
EDWƐKƐ 74
Nrenya Mɔɔ Ɔnzulo Debie
Ɛnee Gyɛlɛmaya dwenle kɛ ɔle kakula somaa kɛ ɔbayɛ ngapezonli noko ɛnee Nyamenle ze kɛ ɔbahola yeayɛ.
EDWƐKƐ 75
Mgbavolɛ Nna Wɔ Babelɔn
Ɔnva nwo kɛ bɛ awovolɛ ɛnle bɛ nwo ɛkɛ ne la, bɛgyinlanle kpundii.
EDWƐKƐ 76
Bɛzɛkyele Gyɛlusalɛm
Duzu ati a Nyamenle manle Babelɔnma mɔɔ bɛle Yizilayɛma agbɔvolɛma la zɛkyele bɛ a?