FOA 6
Gyisɛse Awolɛ Kɔdwu Ye Ewule Nu
Bɛzoanle anwumabɔvolɛ Geebeleɛle wɔ bɛlɛra kɛnlɛma bie mɔɔ bɛfɛlɛ ye Mɛle la ɛkɛ. Ɔhanle ɔhilele ye kɛ ɔbanrenzɛ yeawo ralɛ nrenya mɔɔ bali belemgbunli dahuu a. Bɛwole adɔma Gyisɛse wɔ mboane tunli nu, na mboaneneavolɛma hɔle ɛkɛ hɔkpɔlale ye. Nzinlii, ɛwɔlɔra bie hilele menli bie mɔɔ vi Aduduleɛ la adenle hɔle adɔma ne anwo ɛkɛ. Yɛnwu ahenle mɔɔ manle bɛnwunle zɔhane ɛwɔlɔra ne nee kɛzi bɛliele Gyisɛse bɛvile mɔdenle biala mɔɔ menli bɔle kɛ bɛku ye la anu la.
Bieko, yɛnwu Gyisɛse, mekɛ mɔɔ ɛnee yeli ɛvolɛ 12 la kɛ, ɔ nee ɛzonlenlɛ sua ne anu kilehilevolɛma ɛlɛtendɛ. Ye ɛvolɛ bulu nee mɔtwɛ anzi bɛzɔnenle Gyisɛse, na akee ɔbɔle Belemgbunlililɛ nolobɔlɛ nee ngilehilelɛ gyima ne mɔɔ Nyamenle zoanle ye wɔ azɛlɛ ye azo kɛ ɔrayɛ la abo. Amaa yeahola gyima ɛhye yɛ la, Gyisɛse kpale menli 12 na ɔyɛle bɛ ye ɛzoanvolɛma.
Gyisɛse eza yɛle nwanwane ninyɛne dɔɔnwo. Ɔvale fɛlɛ ekyi bie nee kpanwo ekyi bie ɔmanle menli apenle apenle lile bɛ ko yile. Ɔyɛle wuleravolɛma ayile na ɔdwazole mɔwuamra bɔbɔ. Awieleɛ kolaa, yɛnwu mɔɔ dole Gyisɛse wɔ ye ngoane mekɛ mɔɔ li awieleɛ la anu amuala nee kɛzi bɛhunle ye la. Gyisɛse vale ɛvolɛ kɛyɛ nsa nee foa a hanle edwɛkɛ ne a, ɛhye ati Foa NSIA ne bo mekɛ mɔɔ ye tendenle le ɛvolɛ 34 la ekyii.
WƆ FOA ƐHYE
EDWƐKƐ 84
Anwumabɔvolɛ Bie Rale Mɛle Anwo Ɛkɛ
Ɔlɛ nrɛlaleɛ mɔɔ vi Nyamenle ɛkɛ: Mɛle bawo kakula bie mɔɔ bayɛ belemgbunli dahuu la.
EDWƐKƐ 85
Bɛwo Gyisɛse Wɔ Mboane Tunli Nu
Duzu ati a ɔwɔ kɛ bɛwo awie mɔɔ bayɛ belemgbunli kenlebie la wɔ mboane tunli nu ɛ?
EDWƐKƐ 86
Menli Mɔɔ Ɛwɔlɔra Hilele Bɛ Adenle
Nwane a manle magi ne mɔ nwunle Gyisɛse a? Mualɛ ne bazi ɛ nwo.
EDWƐKƐ 87
Kakula Gyisɛse Wɔ Ɛzonlenlɛ Sua Ne Anu
Ɔhanle edwɛkɛ bie mɔɔ zinle mgbanyima mɔɔ kilehile wɔ ɛzonlenlɛ sua ne anu la anwo.
EDWƐKƐ 88
Dwɔn Sɔne Gyisɛse
Dwɔn ɛlɛsɔne ɛtanevolɛma noko Gyisɛse anyɛ ɛtane ɛlɛ. Duzu ati a Dwɔn zɔnenle ye ɛ?
EDWƐKƐ 90
Ɔ Nee Raalɛ Ne Wɔ Bula Ne Azo
Duzu ati a nzule mɔɔ Gyisɛse bava amaa raalɛ ne la ɛnrɛmaa nzuhɔne ɛnrɛhu ye bieko ɛ?
EDWƐKƐ 91
Gyisɛse Kilehile Wɔ Boka Bie Azo
Sukoa nrɛlɛbɛ mɔɔ nvasoɛ wɔ zo dahuu la fi ye Boka Zo Ɛdendɛlɛ Ne anu.
EDWƐKƐ 92
Gyisɛse Dwazo Mɔwuamra
Ɔlua Nyamenle tumi zo, Gyisɛse hanle edwɛkɛ sikalɛ nwiɔ bie na ɔdwazole Gyeeyaelɛse ara raalɛ ne.
EDWƐKƐ 93
Gyisɛse Maa Menli Dɔɔnwo Aleɛ
Duzu a Gyisɛse luale menli dɔɔnwo ne mɔɔ ɔmanle bɛ aleɛ la azo manle ɔlale ali a?
EDWƐKƐ 94
Gyisɛse Kulo Ngakula Edwɛkɛ
Gyisɛse anga kɛ ye ɛzoanvolɛma ne ɛzukoa ngakula nwo debie ala, emomu ɔhilele bɛ kɛ bɛzukoa debie bɛvi bɛ ɛkɛ.
EDWƐKƐ 95
Kɛ Gyisɛse Si Kilehile La
Samɛleanli agɔnwolɛ kpalɛ ne anwo ɛrɛlɛ ne le ndenle mɔɔ Gyisɛse dua zo kilehile la anu ko.
EDWƐKƐ 97
Gyisɛse Ba Kɛ Belemgbunli
Menli dɔɔnwo yiale Gyisɛse noko tɛ awie biala a anye liele nwo a.
EDWƐKƐ 98
Wɔ Ɔlivi Boka Ne Azo
Gyisɛse hanle ninyɛne mɔɔ ɛlɛsisi yɛ mekɛ ye azo la anwo edwɛkɛ hilele ye ɛdoavolɛma ne anu nna.
EDWƐKƐ 99
Wɔ Ekpumgbunli Bie Anu Wɔ Ɛbolɔnsam Ne Azo
Duzu ati a Gyisɛse hanle hilele ye ɛdoavolɛma ne kɛ bɛli aleɛ titile ɛhye ɛvolɛ biala ɛ?
EDWƐKƐ 100
Gyisɛse Wɔ Tola Ne Anu
Duzu atia a Dwudase vole Gyisɛse anloa nwo vale yele ye maanle ye ɛ?