FOA 8
Mɔɔ Baebolo Ne Ka La Ba Nuhua
Baebolo ne ɛnga nɔhalɛ edwɛkɛ mɔɔ zile tete ne la angomekye anwo edwɛkɛ na eza ɔka mɔɔ bazi kenlebie la anwo edwɛkɛ. Alesama ɛngola ɛnga mɔɔ bazi kenlebie la. Ɛhye ati a yɛze kɛ Baebolo ne vi Nyamenle ɛkɛ ne la. Duzu a Baebolo ne ka fane kenlebie anwo a?
Ɔka Nyamenle konle kpole bie anwo edwɛkɛ. Wɔ konle ɛhye anu Nyamenle baye ɛtaneyɛlɛ kɔsɔɔti nee menli ɛtane avi azɛlɛ ne azo, noko ɔbabɔ bɛdabɛ mɔɔ bɛsonle ye la anwo bane. Nyamenle belemgbunli ne, mɔɔ yemɔ a le Gyisɛse Kelaese la, banlea anwu ye kɛ Nyamenle azonvolɛ bɛanyia anzondwolɛ nee anyelielɛ, na bɛ nwo ɛnrɛdo bɛ bieko anzɛɛ bɛnrɛwu.
Yɛ nye kola die kɛ Nyamenle bayɛ paladaese fofolɛ wɔ azɛlɛ ye azo a, ɔnle zɔ ɔ? Noko saa yɛbadɛnla paladaese ɛhye anu a ɔwɔ kɛ yɛyɛ nwolɛ debie. Wɔ buluku ne ɛzukoalɛdeɛ mɔɔ li awieleɛ la anu yɛnwu mɔɔ ɔwɔ kɛ yɛyɛ na yɛ sa aha nwanwane ninyɛne mɔɔ Nyamenle bayɛ amaa bɛdabɛ mɔɔ bɛsonle ye la. Yemɔti kenga Foa MƆTWƐ ne na nwu mɔɔ Baebolo ne ka fane kenlebie anwo la.
WƆ FOA ƐHYE
EDWƐKƐ 114
Ɛtaneyɛlɛ Kɔsɔɔti Awieleɛ
Duzu ati a Nyamenle bazoa ɛlɔnema mɔɔ Gyisɛse ɛlɛkile bɛ adenle la kɛ bɛhɔho wɔ Amagɛdɔn konle ne ɛ?
EDWƐKƐ 115
Paladaese Fofolɛ Wɔ Azɛlɛ Ye Azo
Menli dɛnlanle paladaese azɛlɛ ne azo na ɔnrɛhyɛ ɔbara bieko.
EDWƐKƐ 116
Kɛzi Yɛbahola Yɛadɛnla Aze Dahuu
Saa yɛnwu Gyihova nee Gyisɛse a ɛnee yewie ɔ? Saa ɔnle zɔ a, duzu a ɔhyia a?